بازار ۲۴ دلو باختر
جاری ییلده پنجشیر نینگ اَیریم قِسملریده ۳۶ ته توغان قوریلگن.
بو توغانلر نینگ قوریلیشی بیلن بیر تاماندن، سوو تاشقینی عاقبتیده دلهلر و جماعت آبعیکتلری، اهالی خاندانلریگه ییتکزیلیشی ممکن بولگن ضررلر نینگ آلدی آلینسه، ایکّینچی تاماندن، یامغیر سووی و دریالردن ایکینچیلیکده فایدهلنیشی کوزده توتیلگن.
پنجشیر ایکینچیلیک، ییرلرنی سوغاریش و چارواچیلیک باشقرمه سی باشلیغی قاری فضل الله دیوبند شوندهی دیدی: بو لایحهلر بو ولایت مرکزی بازارک نینگ شتل، عنابه، رخه تومنلریده آلتی یوز و آلتمیش مینگ دالردن آرتیق مبلغ عوضیگه عملگه آشیریلدی. آزوق-اوقات و ایکینچیلیک تشکیلاتی ناروی افغانستان بوییچه کمیتهسی بیلن همکارلیکده عملگه آشیریلگن.
پنجشیر ایکینچیلیک، ییرلرنی سوغاریش و چارواچیلیک باشقرمه سی باشلیغی اوشبو لایحهلرنی پنجشیر درجهسیده عملگه آشیریشدن کوزلنگن مقصد سیل، یامغیر سوولرینی باشقهریش، سوو تاشقینلری خوفی نینگ آلدینی آلیش و قید ایتیلگن حدودلردهگی ییر آستی سوو ریسورسلرینی آزیقلنتیریشدن عبارت ایکنلیگینی تأکیدلهدی.
قاری دیوبند نینگ تأکیدلشیچه، بو لایحهلرده آلتی مینگگه یقین محلی ایشچی ایشلهگن، عوضیگه ییگیرمه کون ایچیده یوز دالر آلگن.