کابل، ۱۳ قوس، باختر
تعلیم وزیرلیگی نینگ سرپرست وزیری مولوی حبیب الله آغا مسلمان علمالری اتفاقی هیئتی بیلن اوچرهشدی.
اوچرهشووده افغانستاندهگی تعلیم ساحهسیدهگی وضعیت بحث قیلیندی.
معارف وزیرلیگی نینگ سرپرست وزیری شوندهی دیدی: مسلمان علمالری اتفاقی هیئتی نینگ افغانستانگه سفری دنیاده اسلام امیرلیگی حقیده سلبی تصور پیدا بولگن بیر پیتده صادر بولدی، اسلام امیرلیگی ایسه آدملر نینگ حق – حقوقلرینی تامینلش و تینچلیکنی تیکلشده موفقیت قازاندی.
او مسلمان علمالری اتفاقی هیئتیدن افغانستانگه قَیتگنیدن سونگ بوتون دنیاگه افغانستاندهگی ایجابی جهتلر حقیده معلومات بیریشنی سوردی.
مولوی حبیب الله آغا مسلمان علمالر اتفاقی کینگشیگه افغانستاندهگی تعلیم دستوری حقیده معلومات بیریب، شوندهی دیدی: «اوشبو اوقوو دستوری اینگ سونگگی زمانوی علم – فن اساسیده توزیلگن همده دینی علملر اساسلریگه اساسلنهدی.
تعلیم وزیرلیگی نینگ سرپرست وزیری هم فلسطین مسألهسی نینگ اسلام عالمی بیلن باغلیقلیگیگه اعتبار قرهتدی و افغانستان خلقی فلسطین خلقی نینگ دعواسینی قوللب – قوّتلیدی.
مهمانلر کمیتهسی رئیسی شوندهی دیدی: «تعیلم نصابی نینگ اصلاح قیلیش تیزیمنی نینگ اصلاح قیلیش بیلن باغلیق، چونکه بیز اونده غربلیکلر نینگ سلبی فکرلرینی آلدینی آلیشیمیز ممکن». بیز سیز بیلن هر قندهی وضعیتده همکارلیک قیلهمیز، تعلیم تیزیمینی قوللب – قوّتلهیمیز، مادّی و معنوی یاردم بیرهمیز.