کابل ۱۶ دلو باختر
حماس حرکتی سونگگی بیر نیچه کون ایچیده ۱۵ کیشی اسرائیللیک عسکرنی اولدیرگنینی دعوا قیلماقده.
حماس نینگ حربی قناتی عزالدین قسام بریگادلری وایزی، سونگگی کونلرده اونلب اسرائیللیک عسکرلر هلاک بولگنینی و یره‌لنگنینی معلوم قیلدی.
الجزيره تیلی کانالی نینگ خبر بیریشیچه: «عزالدین قسام» به‌تلیانلری مطبوعات کاتبی ابو عبیده سونگگی بیر نیچه کون ایچیده ۴۳ ته حربی مو‌ترنی تولیق یاکه قسماً یوق قیلیشگه موفق بولدیک، شونینگدیک، بیز ۱۵ کیشی اسرائیللیک عسکرنی مصافه‌دن توریب اولدیردیک، بیر افسر و ینه بیر اسرائیللیک عسکر سنا‌یپرلر تامانیدن اوققه توتیلدی، توقنه‌شوولر دوامیده اونلب اسرائیللیک عسکر هلاک بولدی یاکه یره‌لندی.
ابو عبیده دوام ایتدی: بیز هم بیر قنچه دشمن عسکرلرینی تونل ایشیگیده پارتله‌تیب یوباردیک. مجاهدلریمیز هم اسرائیل نینگ ۴ ته اوچووچیسیز اوچاقلرینی نظارت آستیگه آلدیلر و اسرائیل حربی ییغینلرینی برچه جبهه‌لرده مینامیات هجوملری بیلن تار-مار قیلدیلر. غزه نینگ جنوبی – غربیده‌گی اوی ایچیده یشیرینگن بیر گروه عسکرنی نشانگه آلدیک و اولرنی اولدیرگن یاکه یره‌دار قیلدیک.
قسام نینگ وایزی سوزچیسی شونده‌ی دیدی: مجاهدلریمیز تل ابیب و اونینگ اطرافیده‌گی شهرلرنی کوچلی راکت هجوملری بیلن نشانگه آلدیلر. اوتگن بیر نیچه کون ایچیده غزه سکتوریده‌گی جنگ نینگ تورلی جبهه‌لریده ۱۷ خیل حربی عملگه آشیردیک و حربيلرنی راکت هجوملری، بومبه‌لر و کوچلی توسیقلر بیلن نشانگه آلدیک.
عینِ پیتده اسرائیل اوچون غزه اوروشی نینگ نرخی کون سیین آرتیب بارماقده و تل ابیب بو اوروشدن قاچیشگه حرکت قیلماقده.
