کابل، ۲ دلو، باختر
عالی تعلیم وزیرلیگی نینگ سرپرست وزیری؛ او شمالی ولایتلرگه سفری چاغیده بلخ و جوزجان مدرسه لری اوقووچیلری نینگ امتحان جریانی بیلن تنیشدی و مدرسه اوقووچیلری نینگ سویه‌سینی انیقلش مقصدیده امتحانلرنی باشلشنی مهم دیب حسابله‌دی.
تعلیم وزیرلیگی مطبوعات خدمتی اوشبو ینگیلیکنی اعلان قیلدی: معارف و عالی تعلیم وزیرلیگی متصدیلری طالبان و فاضلان نینگ امتحان جریانینی بیرگه‌لیکده نظارت قیلدیلر.
معارف و عالی تعلیم وزیرلیکلری قوشمه کمیته‌سی ترتیبیگه کوره، بوتون مملکت بویلب طالبان و خصوصی مدرسه لر نینگ بیشینچی، ایکّینچی و اوچینچی صنفلری اوچون امتحانلر هجری قمری ۱۴۴۵- ییل نینگ رجب المرجب آیی نینگ ۸ – کونیده باشلندی و آلتی کون دوام ایته‌دی.
عالی تعلیم وزیرلیگی نینگ سرپرست وزیری شیخ ندا محمد ندیم یوقاریده تیلگه آلینگن امتحانلرنی نظارت قیلیش سفری چاغیده بلخ و جوزجان ولایتلریگه بارگن و بلخگه سفری چاغیده اوشه ولایت نینگ بیشینچی، عالی و خلق‌ارا خصوصی مکتبلری نینگ ییللیک امتحانلرینی نظارت قیلگن. شونینگدیک، او جوزجانگه سفری چاغیده اوشه ولایتده ذکر ایتیلگن امتحانلرگه رهبرلیک قیلگن و بونده‌ی امتحانلرنی تشکیل ایتیشنی مدرسه اوقووچیلری نینگ سویه‌سینی انیقلش اوچون مهم شفاف اصول مسأله دیب حسابله‌گن.
