بامیان، ۱۸ جدی، باختر
کوچلی قار یاغیشیگه قرهمهی، بامیانگه آلیب بارووچی برچه یوللر ترانسپورت حرکتی اوچون آچیق.
توناون کیچقروندن بیری بامیان و اونینگ اطرافیده قار یاغیشی کوچهیگن.
بامیان عامه منفتلر ایشلری باشقرمه باشلیغی انجنیر حفیظ الله نعمتی باختر آژانسیگه شوندهی دیدی: کوتل قوناق، بامیان و دایکندی اورتهسیدهگی چیگره، کوتل شاتو، ۱-سان یکاولنگ تومنلری و پنجاب، بامیاننی غور بیلن باغلاوچی کرمان نینگ آبقول کوتلی و کوتل آق رباط بو ولایت نینگ مرکزی و سیغآن تومنی اورتهسیدهگی چیگره ترانسپورت حرکتی اوچون آچیق.
اونینگ قوشیمچه قیلیشیچه، بامیان-کابل یونهلیشی کوتل حجیگهگ و شیبر آرقهلی حرکتلنیش اوچون بوتونلهی آچیق و قید ایتیلگن حدودلرده هیچ قندهی معما یوق.
کورسهتیلگن حدودلرده قار قلینلیگی ۱۰-۱۵ سانتیمتر بولیب، اوتیش و ترانسپورت حرکتی توسیلیب قالمسلیگی اوچون بامیان شهر عامه منفعتلر ایشلری بولیمی نینگ قار تازهلش گروهی و قراردادی شرکتلر تامانیدن اوشبو حدودلرده قارلرنی منتظم تازهلش ایشلری آلیب باریلماقده.