کابل، ۱۳ قوس، باختر
قیزیل دینگیزده اسرائیل نینگ اوچته کیمهسی هجومگه اوچرهدی و یمن نینگ انصارالله جوابگرلیکنی اوز ذمّهسیگه آلدی.
آمریکا قوراللی کوچلری مرکزی قوماندانلیگی (سنتکام) قیزیل دینگیزده اوچته کیمه نشانگه آلینگنینی اعلان قیلیب، قیزیل دینگیزدهگی اوچته کیمهگه ۴ مرته هجوم قیلینگنینی معلوم قیلدی.
قوماندانلیک اوشبو هجوملر خلقارا تجارت و دینگیز خوفسیزلیگیگه توغریدن – توغری تهدید ایکنلیگینی و دنیا نینگ بیر قنچه مملکتلری وکیلی بولگن خلقارا کیمه چیلر حیاتینی خوف آستیگه قویگنینی تأکیدلهدی.
“سنتکام” ایران تامانیدن قوللب – قوّتلنگن یمنلیک حوثيلرنی اوشبو هجوملر نینگ عیبدارلری صفتیده تنیشتیردی. آمریکا اردوسی مرکزی قوماندانلیگی بو دولت اوزی نینگ خلقارا اتفاقچیلری و همکارلری بیلن تولیق موافقلشتیریلگن حالده برچه تیگیشلی جوابلرنی کوریب چیقیشینی ایتدی.
بیراق اسرائیل ریجیمی بو کیمهلردن ایکّیتهسی نینگ بو ریجیمگه علاقهسی یوقلیگینی ایتدی.
یمن نینگ انصارالله یقینده اسرائیلگه اوچووچیسیز اوچاقلر بیلن هجوملر اویوشتیردی و تجارت کیمهسینی قولگه آلدی.