کابل، ۶ جدی، باختر
بیرلشگن ملتلر تشکیلاتی نینگ مهاجرلر نماینده وکیللری بیلن اوچرهشوویده ساغلیقنی سقلش وزیری اورینباسری مملکتگه قَیتگنلر نینگ ساغلیغی بیلن باغلیق معمالرنی ینهده حل ایتیش مسألهسیگه علیحده اعتبار قرهتدی.
بو حقده ساغلیقنی سقلش وزیرلیگی مطبوعات خدمتی خبر بیردی.
ساغلیقنی سقلش وزیرلیگی نینگ ساغلیقنی سقلش سیاستی و تدقیقاتلری معینی داکتر محمد حسن غیاثی بیرلشگن ملتلر تشکیلاتی نینگ مهاجرلر نماینده وکیلی داکتر عبدالهی وان و جهان ساغلیقنی سقلش تشکیلاتی وکیلی داکتر مایکل اوجی بیلن اوچرهشیب، صحبتلشدی.
اوشبو ییغیلیشده قَیتیب کیلگنلر نینگ احوالی و ایران، پاکستاندن قَیتگنلر و کوچیریلگنلر نینگ ساغلیغی بیلن باغلیق معمالر نینگ ییچیمی کوریب چیقیلدی.
بیرلشگن ملتلر تشکیلاتی نینگ مهاجرلر نماینده وکیلی قَیتگنلر نینگ ساغلیغی بیلن باغلیق معمالرنی حل قیلیشگه قرهتیلگن اوز دستوری و اونی عملگه آشیریش استراتیژيسی حقیده معلومات بیردی.
ساغلیقنی سقلش سیاستی و ترقیات معینی بیرلشگن ملتلر تشکیلاتی نینگ مهاجرلر بوییچه نماینده سی و جهان ساغلیقنی سقلش تشکیلاتی نینگ افغانستاندهگی وظیفهلرینی یوقاری بهالهگن حالده، قَیتیب کیلگنلر دوچ کیلهیاتگن ساغلیقنی سقلش معمالرینی حل ایتیش بوییچه اوز فکرلرینی بیلدیردی.
بو ایکّی خلقارا مؤسسه وکیللری قَیتگنلر نینگ ساغلیقنی سقلش ساحهسیدهگی معمالرینی حل ایتیشده همکارلیک قیلیشگه وعده بیریشدی.