کابل ۱۶ ثور باختر
سوو و انرژی وزیرلیگی نینگ سرپرست وزیری گمبیری توغانیگه تشریفی چاغیده شونده‌ی دیدی: گمبیری توغانی قوریلیشی لایحه‌سی اوشبو وزیرلیک نینگ اوستوار یونه‌لیشلریدن بیریدیر.
سوو و انرژی وزیرلیگی مطبوعات خدمتی بوگون سوو و انرژی وزیرلیگی نینگ سرپرست وزیری ملا عبداللطیف منصور ننگرهار ولایتی نینگ کوز کونر تومنیده جایلشگن گمبیری ییرلرنی سوغاریش و انرژی ایشلب چیقریش توغانیگه تشریف بویورگنینی و بو توغان نینگ مهم‌لیگینی تأکیدله‌گنینی معلوم قیلدی. سوو و انرژی وزیرلیگی اوشبو رواجلنتیریش یونه‌لیشی بوییچه و قیمتلی دیب حسابله‌دی.
سوو و انرژی وزیرلیگی نینگ سرپرست وزیری مذکور توغان حدودیگه تشریفی چاغیده گمبیری توغانی قوریلیشی لایحه‌سی اوشبو وزیرلیک نینگ اوستوار یونه‌لیشلریدن بیری ایکنلیگینی تأکیدله‌دی، چونکه او سوو مدیریتی و برق انرژیسی ایشلب چیقریش نقطه‌ی نظریدن کتّه اهمیتگه ایگه.
قید ایتیش کیره‌ککی، گمبیری توغانی نینگ باتفصیل لایحه‌سی تولیق و قوریلیش ایشلریگه تیار بولیب، تیز آره‌ده ایکّی قوریلیش شرکتی بیلن شرطنامه امضالنه‌دی. اوشبو توغان قوریلیشی بیلن ۴۵ میگاوات برق انرژیسی ایشلب چیقریله‌دی و قریب (۳۲ مینگ) اوتّیز ایکّی مینگ هکتار ایکینچیلیک ییرلری سوغاریله‌دی همده (۳۰۰ مینگ) اوچ یوز مینگدن آرتیق اهالی اونینگ افضللیکلریدن بهره‌مند بوله‌دی.
