کابل ۱ جوزا باختر
افغانستان اسلام امیرلیگی وزیرلر کابینهسی نینگ ییگیرمه ایکّینچی ییغیلیشیده؛ یول چیگرهلرینی اولچمی و برقرارلشتیریش لایحهسی تصدیقلندی.
«ارگ» گزیتهسیده یازیلیشیچه، توناون افغانستان اسلام امیرلیگی باش وزیری ملا محمد حسن آخنـــد باشچیلیگیده افغانستان اسلام امیرلیگی وزیرلر کابینهسی نینگ ییگیرمه ایکّینچی ییغیلیشی بولیب اوتگن و بیر قطار مسألهلر بحث قیلینیب، قرارلر قبول قیلینگن.
اوشبو ییغیلیشده باش وزیر ادارهسی نینگ اقتصادی مسألهلر بوییچه اورینباسری ملا عبدالغنی برادر آخوند مملکتده یقینده صادر بولگن سوو تاشقینلری عاقبتیده قربان بولگنلر، جراحتلنگنلر و مالی یوقاتیشلر حقیده معلومات بیردی و باش وزیر جبرلنگنلرگه یاردم بیریش و اولرگه یخشیراق غمخورلیک قیلیش اوچون تیگیشلی ادارهلریگه بویروق بیردی.
ییغیلیشده یول حرکتی خوفسیزلیگینی تأمینلش بوییچه وزیرلیک تامانیدن تیارلنگن لایحه معقوللنیب، مذکور وزیرلیککه موتر یوللری بویلب یوللر نینگ اولچملری بوییچه توشونتیریش ایشلرینی آلیب باریش، ترغیبات تختهلرینی اورنهتیش وظیفهسی یوکلهتیلدی.
شونینگدېک، وزیرلر کابینهسی ییغیلیشیده ترافیک باش باشقرمَسیگه یول حرکتی بیلن باغلیق ریجهلرنی تیگیشلی ادارهلر بیلن بولیشیش وظیفهسی یوکلهتیلدی و اولر کوریب چیقیلگهچ، اقتاد وزیرلیگی نینگ سرپرست وزیری قاری دین محمد حنیف باشچیلیگیدهگی تقدیم ایتیلیشی و وزیرلر کابینهسی مجلسیده، سونگره حسابات تقدیم ایتیلیشی کیرهک دیب ایتیلدی.