کابل، ۱۴ جدی، باختر
افغانستان اسلام امیرلیگی مطبوعات کاتبی ذبیح الله مجاهد یوناما نینگ ایتکن سوزی اوزباشیمچهلیک بیلن حبسگه آلیشنی توختهتیش حقیدهگی التماسیگه جواباً، هیچ کیم اوزباشیمچهلیک بیلن حبسگه آلینمهگنینی ایتدی.
مجاهد ملی رادیو و تیلی کانالیده بیرگن اینترویوسیده «امین بولسینکی، هیچ کیم اوز-اوزیدن قولگه آلینمهیدی، انیق و کینگ قمراولی معلوماتسیز هیچ کیم قولگه آلینمهیدی» دیدی.
«اگر کیمدیر قانونی یول بیلن حبسگه آلینگن بولسه و سود ارگانلری بونی تیرگاو قیلگن بولسه، اولرده وکالت بار»، دییه قوشیمچه قیلدی او.
اونگه کوره؛ اگر بیرار کیشی جنایت قیلمهگن بولسه و حبسگه آلینگن بولسه، او فقط معلومات آلیش اوچون قیلینگن و معلومات آلگندن سونگ، او اوز حقوقلرینی یوقاتمهگن و عدالتسیز مناسبتده بولمهگن حالده آزاد قیلینهدی.
اسلام امیرلیگی مطبوعات کاتبی ینه بیر بار یوناما و باشقه نهادلرنی بولیب اوتگن یاکه عملگه آشیریلهیاتگن حرکتلر قانونی و اسلام شریعتی تمایللریگه اساسلنگنلیگیگه ایشانتیردی.