کابل، ۱۱ جدی، باختر
اخبارات و مدنیت وزیرلیگی سیاحلر اوچون ضرور قولهیلیکلر یرهتیش مقصدیده ینگی ترتیب یرهتیشنی ریجهلشتیرماقده.
شو مقصدده بوگون اخبارات و مدنیت وزیرلیگی نینگ سرپرست وزیری ملا خیر الله خیرخواه رئیسلیگیده ییغیلیش بولیب اوتدی.
باختر آژانسی مخبری نینگ خبر بیریشیچه؛ تشقی ایشلر، ایچکی ایشلر، امربالمعروف، نهی عن المنکر و شکایتلرنی ایشیتووچی وزیرلیکلری، استخبارات باشقرمه سی، گرحندوی و دولتگه شرکت افغانتور ادارهلر وکیللری اشتراک ایتگن اوشبو ییغیلیشده. «افغانتور» شرکتی اخبارات و مدنیت وزیرلیگی نینگ سرپرست وزیری افغانستانگه سیاحت قیلووچی سیاحلر اوچون ینگی ریجه یرهتیش، اولر اوچون ضرور قولهیلیکلر یرهتیش مقصدینی بیلدیردی.
اخبارات و مدنیت وزیرلیگی نینگ سرپرست وزیری: خارجی سیاحلر نینگ افغانستانگه کیلیشی هم اقتصادی، هم سیاسی جهتدن مملکت اوچون فایدهلی بولیب، اوشبو ریجهده توریستلر اوچون ضرور توریستیک تمایللر و ستندردلر، ضرور قولهیلیکلر حسابگه آلینیشی کیرهکلیگینی تاکیدلهدی.
مذکور ییغیلیشده اشتراکچی مؤسسهلر وکیللری افغانستانگه سیاحلر نینگ سیاحت قیلیش ترتیبی ریجهسی و اولر اوچون ضرور قولهیلیکلر یرهتیش یوزهسیدن اوز فکر و ملاحظهلرینی بیلدیریب، بو بارهدهگی بحث نی دوام ایتتیریشگه علیحده اعتبار قرهتدیلر.