کابل ۳۰ دلو باختر
آفریقا اتفاقی ییتکچیلری توناون یکونلنگن سونگگی ییغیلیشیده اسرائیل نینگ غزه دهگی حرکتینی جنایت دیب اتهدی و قارهلهدی.
آفریقا اتفاقیگه اعضا ۵۵ دولت رهبرلری اتیوپیا نینگ ادیسه شهریده توناون یکونلنگن آفریقا اتفاقی اجلاسیده اسرائیل ریجیمی نینگ فلسطین خلقیگه قرشی جنایتلرینی قارهلهدی.
بو اجلاس اعضا دولتلر اورتهسیده سودا و اقتصاد ساحهسیدهگی علاقهلرنی مستحکملش بیلن بیرگه خلقارا میدانده اسرائیل ریجیمی نینگ غزه دهگی جنایتلرینی قارهلش اساسی موضوع بولدی. شو باعث آفریقا کمیسیونی رهبری اوز نطقی دوامیده اسرائیلنی بو ریجیم جنایتلرینی قارهلب، «خلقارا حقوق نینگ اینگ قوپال طرزده بوزیلیشی» صفتیده غزه اهالیسینی ویران قیلیشده عیبلهدی.
بو ییغیلیشده فلسطین حکومتی باش وزیری محمد اشتيه و عرب اتحادیه سی نینگ باش کاتبی و ابوالغیب اشتراک ایتدی. اشتیه نطقی دوامیده آفریقا دولتلری نینگ اسرائیل ریجیمینی قارهلشده قوللب-قوّتلهگنینی قدرلر ایکن، بو ریجیم نینگ آفریقا اتفاقیدهگی کوزهتووچی اعضالیگی نینگ بیکار قیلینیشینی طلب قیلدی و تل ابیب نینگ فلسطین خلقی و حقوقلرینی پایمال قیلگنی اوچون مکافاتلنمسلیگی کیرهکلیگینی تأکیدلهدی. اولر افراطیچیلیکدن حربیگرچیلیککه و مستملکهچیلیککه اوتگن و بو جریانگه چیک قوییش کیرهکلیگینی ایتدی.
عینِ پیتده، یقینده جنوبی آفریقا خلقارا جنایی سودده (قضایی سیده) اسرائیلگه قرشی انسان حقوقلرینی بوزگنلیگی و فلسطین خلقیگه قرشی اوروش جنایتلرینی صادر ایتگنی اوچون ایش آچگن.
شونینگدیک، برازیل جمهور رئیسی اوزی نینگ سونگگی بیاناتلریده اسرائیل باش وزیری نتانیاهونی هیتلر بیلن تققاسلشگن.