کابل، ۲۵ جدی، باختر
بیر قطار تورک سرمایهدارلری، باش وزیرلیک اداره سی نینگ اورینباسری مولوی عبدالسلام حنفی بیلن بولیب اوتگن اوچرهشوویده تاغ-کان صنعتی، ایشلب چیقریش زواد(فابریکه)لری قوریش، ایکینچیلیک، انرژی و تکنالوژی ساحهلریگه سرمایه کیریتیشگه تیار ایکنلیکلری حقیده گپیردی.
باش وزیرلیک اداره سی اورینباسرلیک مطبوعات خدمتی نینگ یازیشیچه؛ اوشبو سرمایهدارلر مولوی عبدالسلام حنفی بیلن اوچرهشوویده افغانستانده خوفسیزلیکنی تأمینلش، ایشلش و سودا قیلیش اوچون امکانیتلر یرهتیب بیریشدن خرسند ایکنلیکلرینی بیلدیردیلر. اولر بو امکانیتدن تاغ-کان صنعتی کبی تورلی ساحهلرده فایدهلنیشگه تیار ایکنلیکلرینی، ایشلب چیقریش زواد(فابریکه)لرینی یرهتیش، ایکینچیلیک، انرژی و تکنالوژی گه سرمایه کیریتیشگه تیار ایکنلیکلرینی بیلدیریشدی.
باش وزیرلیک اداره سی نینگ اورینباسری مولوی عبدالسلام حنفی هم اسلام امیرلیگی ایش بیلرمانلر و سرمایهدارلری نینگ خوفسیزلیگیگه علیحده اعتبار قرهتیشینی ایتدی.
او، شونینگدیک، اسلام امیرلیگی ایشلب چیقریش، تاغ-کان صنعتی، ایکینچیلیک، انرژی، تکنالوژی و ساغلیقنی سقلش کبی تورلی ساحهلرده ایچکی و خارجی سرمایهلر نینگ برچه تورلرینی قوللب-قوّتلشینی همده ایش بیلرمانلر و سرمایهدارلر اوچون ضرور قولهیلیکلر یرهتیشینی قوشیمچه قیلدی.