کابل ۱۵ دلو باختر
یوناما رئیسی روزا اتنبایوا افغانستان اسلام امیرلیگی هیئتی نینگ دوحهدهگی ییغیلیشده اشتراک ایتیشینی سوردی.
اسلام امیرلیگی تشقی ایشلر وزیرلیگی مطبوعات خدمتی اخبارات نامه سیده شوندهی یازدی: روزا اتنبایوا خانم اوشبو وزیرلیک رئیسی مولوی امیر خان متقی بیلن اوچرهشووده افغانستان اسلام امیرلیگی هیئتینی ییغیلیشده اشتراک ایتیشنی سوردی.
بو اوچرهشووده ایکّی تامان افغانستان اسلام امیرلیگی نینگ سونگگی دیپلوماتیک اوزگریشلری، بیرلشگن ملتلر تشکیلاتی نینگ دوحهده بولیب اوتهدیگن ییغیلیشی، بیرلشگن ملتلر تشکیلاتی نینگ افغانستان بوییچه مخصوص سنیرلی اوغلو نینگ حساباتی و باشقه مسألهلرنی بحث قیلدی.
تشقی ایشلر وزیری نینگ سرپرست وزیری مولوی امیر خان متقی یوناما رئیسیدن دوحهده بولیب اوتهدیگن ییغیلیش نینگ کون ترتیبی و ترکیبی حقیده باتفصیلراق معلومات بیریشنی سوردی و اوشبو انیقلیکدن کیلیب چیققن حالده، اوشبو ییغیلیشده اشتراک ایتیش توغریسیده قرار قبول قیلینیشینی قوشیمچه قیلدی.
مولوی متقی بیرلشگن ملتلر تشکیلاتی خوفسیزلیک کینگشی نینگ «۲۷۲۱» قطعنامه سی آلدیده افغانستان اسلام امیرلیگی نینگ موقفینی ینه بیر بار تأکیدلب، افغانستان اسلام امیرلیگی نینگ بیرلشگن ملتلر تشکیلاتی بیلن چمبرسپ همکارلیگینی تاکیدلهدی.
عینِ وقتده، یوناما رئیسی روزا اتنبایوا هم تشقی ایشلر وزیرلیگی نینگ سرپرست وزیری دوحهدهگی اوچرهشوو حقیده معلومات بیریب، اسلام امیرلیگی هیئتینی اوشبو ییغیلیشده اشتراک ایتیشنی سۉردی.
ایسلهتیب اوتمیز، بیرلشگن ملتلر تشکیلاتی نینگ افغانستان بوییچه ییغیلیشی ۱۸ و ۱۹ فبروری کونلری دوحهده بولیب اوتهدی.