جهان، ۱۸ دلو، خارجی عاموی اخبارات واسطه‌لری
قطر تشقی ایشلر وزیری محمد بن عبدالرحمن آل ثانی دوحه‌ده آمریکالیک هم‌کسبی آنتونی بلینکن بیلن اوتکزگن قوشمه مطبوعات انجمنیده حماس حرکتیدن اسرائیل بیلن نوبتده‌گی محبوس المشیووی بوییچه ایجابی جواب آلگنینی ایتدی و بو اونی مناسب حرکتی دیب اته‌دی.
اونینگ قوشیمچه قیلیشیچه، او بو حقده کوپ معلومات بیره آلمه‌سلیگی، چونکه بو تامانلر اورته‌سیده دوام ایته‌یاتگن مذاکره‌لرگه ضرر ایتکزیشی ممکن.
کنفرانس ده امریکا تامانی حاضرده بو جوابنی بهاله‌یاتگنینی و بوگون اسرائیل تامانی بیلن بحث قیلیشنی ریجه‌لشتیره‌یاتگنینی ایتدی.
ایسله‌تیب اوتمیز، غزه ده دوام ایته‌یاتگن اوروش باشلنگنیدن بویان بو بلینکن نینگ منطقه‌گه بیشینچی سفری بولیب، او بو سفرده ریاض، قاهره و دوحه‌ده بولگن و بوگون اسرائیلگه باریشی ریجه‌لشتیریلگن.
