کابل ۱۷ حوت باختر
کابلگه کیلگن بریتانيادهگی بیر قنچه افغان سرمایهدارلری کان و پترولیم وزیرلیگی نینگ سرپرست وزیری بیلن اوچرهشدی.
کان و پترولیم وزیرلیگی مطبوعات خدمتی بوگون بو خبرنی اعلان قیلیب، شوندهی دیدی: بویوک بریتانياده یهشاوچی افغان سرمایهدارلری و بو وزیرلیک نینگ سرپرست وزیری شیخ الحدیث شهابالدین دلاور بیلن اوچرهشوولری چاغیده بویوک بریتانياده یهشاوچی افغان سرمایهدارلری مملکت نینگ مینیرال ریسورسلریگه سرمایه کیریتیشدن علاقهمند ایکنلیکلرینی بیلدیردیلر.
اولر: افغانستاندهگی تیمیر، جست، آلتین و کومیر کانلریگه سرمایه کیریتیش و قازیب آلینگن ماتریاللرنی مملکت ایچیده قَیته ایشلشدن منفعتدار، دیدیلر.
کان و پترولیم وزیرلیگی نینگ سرپرست وزیری اولر نینگ افغانستان نینگ مینیرال رېسورسلریگه سرمایه کیریتیش ریجهلرینی آلقیشلهدی و قانونلرگه موافق سرمایهدارلری اوچون ضرور همکارلیک و قولهیلیکلر یرهتیشگه وعده بیردی.