کابل ۲۱ سنبله باختر
کان و پترولیم وزیرلیگی نینگ سرپرست وزیری «بیلاس» شرکتی متصدیلری بیلن بولیب اوتگن اوچره‌شوویده وزیرلیک تامانیدن محلی و خارجی سرمایه‌دارلر اوچون قولیلیکلر یره‌تیش بوییچه آلیب باریله‌یاتگن ایشلر حقیده گپیردی.
کان و پترولیم وزیرلیگی نینگ ینگیلیکلری اساسیده؛ کان و پترولیم وزیرلیگی نینگ سرپرست وزیری ملا هدايت‌الله بدری بِلاروس اولکه‌سی نینگ بیلاس شرکتی متصدیلری بیلن اوچره‌شوویده ایش بیلرمانلرنی رغبتلنتیریش و سرمایه‌دارلرنی جلب قیلیش مقصدیده وزیرلیک تامانیدن محلی و خارجی سرمایه‌دارلر اوچون قولیلیکلر یره‌تیش بوییچه آلیب باریله‌یاتگن تیارگرلیکلر حقیده گپیردی.
اوچره‌شووده «بیلاس» شرکتی وکیللری هم افغانستان اسلام امیرلیگی تامانیدن سرمایه‌دارلرگه امکانیتلری تقدیم ایتیله‌یاتگنینی یوقاری بهاله‌دیلر و اسلام امیرلیگی بیلن قوشمه کان قازیب آلیش لایحه‌لریگه همده منرال اسکونه‌لر و انشااتلرگه، ایشلب چیقریش زواد(فابریکه)ی و باشقه ییریک صنعت کارخانه‌لرینی یره‌تیشگه سرمایه کیریتیش ایسته‌گینی بیلدیردیلر.
شونینگدیک، اولر ایچکی انجنیرلرنی تیارلش و صلاحیتینی آشیریش ساحه‌سیده همکارلیک قیلیشگه وعده بیریشدی.
