کابل ۱۵ اسد باختر
افغانستان اسلام امیرلیگی مطبوعات کاتبی اورینباسری اميرالمؤمنين حفظهالله حضرتلری حکمی اساسیده مملکت نینگ چیگرهداش حدودلری اهالیسی نینگ معمالرینی حل قیلیش بوییچه کمیته تشکیل ایتیلگنینی معلوم قیلدی.
افغانستان اسلام امیرلیگی مطبوعات کاتبی اورینباسری حمدالله فطرت اوزی نینگ ایکس صحیفهسیده اوشبو کمیته امیرالمؤمنین شيخ القرآن و الحديث مولوی هبةالله آخوندزاده حفظهالله تعالی، حکمی اساسیده توزیلگنینی یازدی. چیگره، قوملر و قبیلهلر وزیرلیگی نینگ سرپرست وزیری ملا نورالله نوری رئیسلیگیده چیگره ولایتلر اورینباسرلری، تومن حاکملری، تیگیشلی ولایتلر حاکملری و چیگره تومنلریدهگی ملی مدافعه وزیرلیگی وکیللری قتناشووی بیلن دیورند چیزیغیگه یقین حدودلر و باشقه چیگره حدودلری اهالیسی نینگ معمالرینی حل قیلیش اوچون یرهتیلگن.
مذکور کمیته حدودلر اهالیسیگه بیرلمچی خدمت کورسهتیش، دینی و زمانهوی تعلیم، ساغلیقنی سقلش، مخابراتی، یول و ایچیملیک سووی ساحهلریده ستندرد خدمتلردن فایدهلنیش امکانینی اوز ایچیگه آلهدی.
شونینگدیک، مذکور قرارده مالیه وزیرلیگیگه مذکور کمیته ضرور بولگن مبلغلرنی تأمینلشده همکارلیک قیلیش توصیه ایتیلگن.
