ینگی‌لیک/اخبارسیاستTOP

چین بیرلشگن ملتلر نینگ افغانستان اسلام امیرلیگیگه قرشی چیکلاولرینی اوزگرتیریشنی طلب قیلدی

 

کابل، ۲۵ قوس، باختر
چین بیرلشگن ملتلر خوفسیزلیک کینگشیدن بو دولتگه قرشی چیکلاولرنی افغانستانده‌گی موجود وضعیتگه قره‌ب توزه‌تیشنی سوردی.

چین نینگ «شینهوا» رسمی اخبارات آژانسی نینگ خبر بیریشیچه، مملکت نینگ بیرلشگن ملتلر تشکیلاتیده گی دایمی وکیلی اورین‌باسری گنگ شوانگ: «افغانستان تیکلنیش و تینچ یول بیلن تیکلش نینگ مهم‌ باسقیچیده. خلق‌ارا هم جمعيت انسانپرورلیک انقراضیدن چیقیش، اقتصاد و خلق نینگ تورموش درجه‌سینی مستحکملش اوچون اوشبو مملکت حکومتی بیلن یخشی همکارلیکنی کوچه‌یتیریشی کیره‌ک.

او، شونینگدیک، “افغانستانده انسان حقوقلریگه رعایه‌ قیلیشنی یخشیلش و بو مملکتنی خلقلر عایله‌سیگه قَیتریش”گه اورغو بیریب، “افغانستانده‌گی ترورچیلیک تهدیدلری حلی هم جدّی”، دییه قوشیمچه‌ قیلدی. خلق‌ارا هم جمعيت افغانستانگه برچه‌ ترورچی کوچلرگه قرشی کوره‌شیشده یاردم بیریشی کیره‌ک.

گنگ شوانگ شونده‌ی دیدی: خوفسیزلیک کینگشی چیکلاولر ریجیمی افغانستانده تینچلیک و برقرارلیکنی یخشیلشگه تاثیر کورسه‌تیشینی تامینلشی و شو بیلن بیرگه‌ جاری شرطلرگه کوره‌ اوشبو چیکلاولرگه توزه‌تیشلر کیریتیشی کیره‌ک.

اونینگ سوزلریگه کوره‌، چین خوفسیزلیک کینگشی خلق‌ارا هم جمعيت و افغانستان اورته‌سیده‌گی حقیقی اوزارا مناسبتلرگه یاردم بیریشی کیره‌ک، دیب حسابله‌یدی، بو چیکلاولر نینگ افغان خلقی حیاتی و بو مملکت رواجیگه سلبی تاثیرینی آلدینی آلیش مقصدیده چیکلاولرگه اوز وقتیده توزه‌تیشلر کیریته‌دی.

چین نینگ بیرلشگن ملتلر تشکیلاتیده‌گی وکیلی اورین‌باسری قوشیمچه‌ قیلدی: خوفسیزلیک کینگشی امکان قدَر تیزراق اسلام امیرلیگی نینگ بعضی عملدارلری نینگ سیاحتی بیلن باغلیق چیکلاولردن واز کیچیش مسأله‌سینی کوریب چیقیشی کیره‌ک. چین هر دایم بونده‌ی استثنالرنی ملاقات و اوزارا همکارلیکنی اینگیللشتیریش اوچون ضرور واسطه‌ صفتیده کوریب کیلگن و بو مسأله‌ سودالشیش واسطه‌سی یاکه باسیم بولمسلیگی کیره‌ک دیب حسابله‌یدی.

شو بیلن بیرگه‌، بیرلشگن ملتلر تشکیلاتی خوفسیزلیک کینگشی اسلام امیرلیگیگه قرشی چیکلاولر مانیتارینگی کمیته‌سی ایشینی ینه‌ بیر ییلگه اوزه‌یتیردی، بو قرارنی آقلب بولمیدی.

نمایش بیشتر

نوشته های مشابه

دکمه بازگشت به بالا