کابل ۱۹ سنبله باختر
میز تِنیسی بوییچه ملی تیرمه جماعه سره‌لش مسابقه‌سی نینگ ۱۷-توری اوشبو یونه‌لیش بوییچه تیرمه جماعه‌گه اینگ یخشی فیگورلرنی انیقلش بیلن یکونلندی.
ملی المپیا کمیته‌سی خبرلری اساسیده؛ اوشبو مسابقه‌لر ملی میز تنیسی فدراسیونی تامانیدن مملکتیمیز المپیا کمیته‌سی، جسم‌نی تربیه‌لش و سپورت باش باشقرمه‌سی همکارلیگیده اون آلتی ولایتدن ۸۰ کیشی سپورتچی اورته‌سیده مذکور باشقرمه نینگ ۵۰۰ ا‌ورینلی سپورت جمنازیوم‌ده تورت کون دوامیده تشکیل ایتیلدی.
مذکور مسابقه‌لرده اوسمیرلر، یاشلر و کتّه‌لر یاش طایفه‌سیده‌گی سپورتچیلر اوزارا کوچ سینه‌شدی و میز تنیسی بوییچه جمع‌ی ۳۰ کیشیدن عبارت تیرمه جماعه‌گه هر بیر یاش طایفه‌سیدن ۱۰ کیشیدن تِنیس‌چی سره‌لب آلیندی.
مذکور مسابقه‌لر نینگ یکونی مراسمیده مملکت سپورت باشقرمه‌سی باش باشلیغی مولوی احمدالله وثيق اوشبو یونه‌لیشده مسابقه‌لری اوتکزیله‌یاتگنیدن ممنون ایکنلیگینی، سپورت فدراسیونلری نینگ ملی مسابقه‌لرینی اوتکزیش ریجه‌لری بارلیگینی تأکیدله‌دی.
میز تِنیسی ملی فدراسیونی متصدیلری اوشبو مسابقه‌لرنی اوتکزیشدن مقصد بو ساحه تیرمه جماعه‌سیگه اینگ یخشی فیگورلرنی سره‌لش ایکنینی تأکیدلب، یقینده سره‌لنگن سپورتچیلرگه قهرمانلیک جامی، تشبث‌کارنامه کبی ساوغه‌لر تاپشیریلدی.
