پنجشیر اهالیسی نینگ تۉقسان فایزی طبی خدمتلردن فایدهلنیش امکانیتیگه اېگه

بازارک ۱۳ قوس باختر
پنجشیر ساغلیقنی سقلش باشقرمهسی باشلیغی نینگ ایتیشیچه، شفاخانهلر و ینگی طبی اسباب-اسکونهلر تکامللشتیریلگنی طفیلی ولایت اهالیسی نینگ تۉقسان فایزی طبی خدمتلردن فایدهلنیش امکانیتیگه اېگه.
باختر آژانسی نینگ خبریگه کۉره: پنجشیر ساغلیقنی سقلش باشقرمهسی باشلیغی داکتر حجتالله محمدی قۉشیمچه قیلهدی: اۉشه ولایت مرکزی و تومنلریدن طبی بۉلیم خادملری تامانیدن یقینده اۉتکزیلگن سۉراو نتیجهلریگه کۉره، بو ولایتده ساغلیقنی سقلش خدمتلری درجهسی یخشیلنگن. و بو ولایت نینگ تورلی اولوسی قولی طبی اسباب-اسکونهلر دن فایدهلنیش امکانیتیگه اېگه.
پنجشیر ولایتی نینگ ساغلیقنی سقلش باشقرمهسی باشلیغی نینگ ایتیشیچه؛ رخه تومنیدهگی ۴۰ اۉرینلی شفاخانهنی ۵۰ اۉرینگه کۉتریش، ايدز، آق-قاره سریقلیک زمانهوی طبی اسکونهلری همده توغلیق بولیمیگه، عمومی جراحلیک بۉلیملریگه زمانهوی طبی اسباب-اسکونهلر خرید قیلینیشی سببلی اوشبو ولایت کسلخانهلریده عمومی ایچکی کسللیکلر بو ولایت اهالیسی نینگ طبی خدمتلردن فایدهلنیش امکانیتی آشدی.
او اوشبو ولایتده طبی خدمتلر کۉرسهتیشنی کېنگهیتیریشگه قرهتیلگن سعی-حرکتلرگه ایشانتیردی و اولر اوشبو ولایتدهگی ساغلیقنی سقلش معمالری بۉییچه همکار مؤسسهلر بیلن همکارلیک قیلیش نیتیده اېکنلیکلرینی قۉشیمچه قیلدی.