پنجشیرده نمونوی بالهلر مهربانلیک اویی (پرورشگاه) قوریلهدی

بازارک ۱۱ جدی باختر
پنجشیر مرکزیده مهربانلیک اویی یېتیم تربیهلنووچیلرینی تربیهلش مقصدیده نمونوی مهربانلیک اویی قوریلهدی.
پنجشیر نینگ محنت و اجتماعی مسألهلر باشقرمهسی نینگ باشلیغی عظیم الله شهید باختر آژانسیگه اوشبو مهربانلیک اویینی قوریش رېجهسی بو ولایتدهگی یېتیم بالهلر نینگ تعلیم آلیشی اوچون نمونه اېکنلیگینی ایتدی.
اونینگ قۉشیمچه قیلیشیچه، اوشبو مهربانلیک اویی محنت و اجتماعی مسألهلر وزیرلیگی مالی کمهگیده اۉن جریب میدانده قوریلهدی و اۉز ایچیگه قیزلر و اۉغیل بالهلر اوچون ایکّیته علیحده بولیم دن عبارت بۉلهدی.
اونینگ ایتیشیچه، مذکور مهربانلیک اویی بناسیده اۉقوو خانهلری، بالهلر خانهلری، مسجد، آشخانه، خدمت خانهلری، حمّام، مجلسلر زلی (سالونی)، سپورت میدانچهسی و باشقه ضرور شرایط و طلبلر حسابگه آلینگن.
پنجشیر ولایتی نینگ محنت و اجتماعی مسألهلر باشقرمهسی باشلیغی نینگ ایتیشیچه، مذکور مهربانلیک اویی کېچهیو کندوز ۵۰۰ کیشی یېتیم بالهنی قبول قیلیش امکانیتیگه اېگه.
شونینگدېک، او اوشبو لایحه عملگه آشیریلیشی دوامیده اۉنلب محلی اهالی نینگ ایش بیلن تأمینلنیشینی تأکیدلهدی.