پنجشیرده اهالی نینگ کتاب مطالعهسیگه قیزیقیشی تاباره کېنگهیماقده

بازارک ۱۳ جدی باختر
پنجشیر اخبارات و مدنیت باشقرمهسی نینگ ایتیشیچه، اۉتگن ۹ آیده ولایت نینگ عامهوی کتابخانهسیگه مینگلب آدملر کتاب اۉقیش اوچون تشریف بویورگن.
باختر آژانسیگه کۉره: مولوی نصرالله ملکزاده نینگ ایتیشیچه، اۉشه ولایتده آدملر نینگ کتاب مطالعه مدنیتیگه قیزیقیشی آرتیب بارماقده و جاری ییل باشیدن بویان اۉشه ولایت عامهوی کتابخانهسیگه اوچ مینگ کیشی تشریف بویوریب، کتاب مطالعه قیلگن.
اونینگ قۉشیمچه قیلیشیچه، حاضرده اۉشه ولایت عامهوی کتابخانهسیده آلتی مینگ جلدگه یقین کتابلر موجود بۉلیب، اولر نینگ اکثریتی دینی کتابلر بۉلیب، بو کتابخانهگه مراجعت قیلووچیلر نینگ کۉپچیلیگی مکتب، مدرسه اوقووچیلری و عالی اۉقوو یورتلری طلبهلری بولیب اۉقیش اوچون عامهوی کتابخانهسیگه مراجعت قیلگنلر.
عینِ پیتده پنجشیر اخبارات و مدنیت عامهوی کتابخانهسی بولیمی مسئولی گُل حیدر اکبری نینگ ایتیشیچه، هر آی اوشبو کتابخانهگه ۳۰۰ دن آرتیق کیشی تشریف بویوریب، کتاب مطالعه قیلهدی.
محلی امیرلیک رسميلریگه کۉره، افغانستان اسلام امیرلیگی تشکیل اېتیلیشی بیلن پنجشیر اهالیسی اۉرتهسیده اوقیش و کتابخوانلیک مدنیتی هر قچانگیدن هم رواجلنگن.