پنجشیر؛ ۴ میلیون افغانی مبلغگه بیر مسجد قوریلیشی باشلندی
کابل ۱۵ قوس باختر
پنجشیر ولایتی نینگ بیرینچی قِسمیده ۴ میلیون افغانی مبلغگه بیر مسجد قوریلیشی باشلندی.
پنجشیر ولایت حاکمی حافظ محمد آغا حکیم مسجد پایدیوارینی قۉییش مراسمیده شوندهی دېدی: «بو مسجد محلی اهالی اوچون ایچکی ایشلر وزیرلیگی نینگ مالی کمهگیده قوریلماقده». اونینگ قۉشیمچه قیلیشیچه، اوشبو لایحهنی صفتلی عملگه آشیریش اوچون برچه امکانیتلر ایشگه سالینماقده.
لایحه متصدیلری نینگ تأکیدلشیچه، اوشبو مسجد بیر قبتدهگی ۲۰۰ مترمربع میدانده برپا اېتیلهدی، اونده نمازخوانلر اوچون کۉپلب قولهیلیکلر، زمانهوی حاجتخانه(تشناب)لر، یشیل میدانلر و باشقه ضرور قولهیلیکلر موجود.
شونی اونوتمنگکی، بو مسجد بیر وقت نینگ اۉزیده ۲۰۰ کیشی نمازخوانگه مۉلجللنگن.
