هرات ۱۷ اسد باختر
هرات ولایتی نینگ سرپرست اورینباسری هرات خلقارا هواقونالغه سیدن سعودی عربستان نینگ جده شهریگه توغریدن-توغری عمره حج پروازلری باشلنگنینی معلوم قیلدی.
باختر آژانسیگه کوره؛ هرات ولایتی نینگ سرپرست اورینباسری مولوی حیات الله مهاجر فراهی هراتدن جدهگه زیارتچیلرنی آلیب کیتهیاتگن اوچاق نینگ بیرینچی پرواز مراسمیده اسلام امیرلیگی اولوسگه ینهده قولهیلیک یرهتیش اوچون حرکت قیلهیاتگنینی و شو سببلی هوا یولکلرینی فعاللشتیریشگه حرکت قیلهیاتگنینی ایتیب تا دهقانلر اوز محصولاتلرینی باشقه مملکتلرگه تشقیساتیش ممکنلیگینی یرهتیشگه تلاش قیلیشینی ایتدی.
هرات حج و اوقاف باشقرمهسی باشلیغی مولوی سیفالدین عزیزی سوزلهگن نطقیده هراتدن جدهگه توغریدن-توغری حج و عمره زیارتیگه زیارتچیلر اوچون کوپلب قولهیلیکلر یرهتیلگنینی ایتدی.
او قوشیمچه قیلدی: بیرینچی رِیسده ۱۲۶ کیشی زیارتچی سعودی عربستان نینگ جده شهریگه حج و عمره عمللرینی بجریش اوچون یول آلدی.
شونینگدیک، هرات اخبارات و مدنیت باشقرمهسی نینگ باشلیغی مولوی احمدالله متقی مملکت نینگ غربی منطقهسی اهالیسی اوچون هرات-جده یونهلیشی بوییچه توغریدن-توغری اوچیشلری نینگ باشلنگنینی کتّه یوتوق دیب اتهدی و اسلام امیرلیگی برچه ساحهلرده کوپراق قولهیلیکلر یرهتیش طرفداری ایکنینی تأکیدلهدی.
