ینگی‌لیک/اخبارسیاستجمیت/جامعهTOP

مولوی عبدالکبیر: مملکت نینگ هر بیر فقراسی افغانستان اسلام امیرلیگی رسميلری بیلن آچیقچه‌سیگه اوز خواهش-ایستکلرینی ایتیشی ممکن

 

کابل ۳۰ ثور باختر
باش وزیر اداره‌سی نینگ سیاسی اورین‌باسری نینگ ایتیشیچه، مملکت نینگ هر بیر فقراسی افغانستان اسلام امیرلیگی رسميلری بیلن اوز خواهش-ایستکلرینی آچیق ایتیشی ممکن.

ارگ نشراتی نینگ خبر بیریشیچه، باش وزیر اداره‌سی نینگ سیاسی اورین‌باسری مولوی عبدالکبیر پکتیکا و پکتيا ولایتلری نینگ بیر قطار ایتنیک آقسقاللری و نفوذلی شخصلری بیلن علیحده‌ اوچره‌شگن.

اخبارات نامه‌ده ایتیلیشیچه، پکتیکا ملتیگه منسوب آقسقاللر اوشه‌ ولایتده تعلیم، ساغلیقنی سقلش و یول قوریلیشیگه اعتبار بیریشنی طلب قیلگن حالده؛ اولر اوز معمالری، طلب و تکلیفلرینی باش وزیر اداره‌سی نینگ سیاسی اورین‌باسری بیلن اورتاقلشر ایکن، پکتیکا ترقیات نقطه‌ی نظریدن قالاق و محروم ولایت ایکنینی تأکیدله‌دیلر.

شونینگدیک، اوشبو ولایتده یریم تیار لایحه‌لرنی یولگه قوییش، چیکّه‌ حدودلرده‌گی اهالی نینگ طبی خدمتدن فایده‌لنیشی بوییچه‌‌ اوز تکلیفلرینی باش وزیر اداره‌سی نینگ سیاسی اورین‌باسریگه بیلدیریشدی.

ینه‌ بیر اوچره‌شووده پکتيا ولایتی ځاځی اریوب تومنی نینگ بیر قطار ایتنیک آقسقاللری و نفوذلی کیشیلری هم باش وزیر اداره‌سی نینگ سیاسی اورین‌باسریگه خلق نینگ معما و تکلیفلرینی ایتیب، مذکور تومنده قوریلیش لایحه‌لرینی عملگه آشیریشنی طلب قیلیشدی.

باش وزیر اداره‌سی سیاسی اورین‌باسری مولوی عبدالکبیر هم اوشبو اوچره‌شوولرده اسلامی توزوم نینگ خصوصیتلریگه توخته‌لیب، مملکت نینگ هر بیر فقراسی افغانستان اسلام امیرلیگی رسميلری بیلن اوز خواهش-ایستکلرینی ایتیشی ممکنلیگینی ایتدی.

مولوی عبدالکبیر افغانستان اسلام امیرلیگینی افغانستان خلقی نینگ خدمتکاری دیب اته‌دی و حکومت برچه‌ منطقه‌لرگه هیچ قنده‌ی کمسیتمسدن خدمت کورسه‌تیشینی قوشیمچه‌‌ قیلدی.

باش وزیر اداره‌سی نینگ سیاسی اورین‌باسری، شونینگدیک، افغانستان اسلام امیرلیگی جمعیت نینگ مهم‌ بوغینی صفتیده تعلیم ساحه‌سیگه اعتبار قراته‌‌یاتگنی و افغانستان خلقیگه ینه‌ده صفتلی خدمت کورسه‌تیش، چیکّه‌ حدودلرده هم تعلیم ساحه‌سینی کینگه‌یتیریش بوییچه‌ سعی-حرکتلر آلیب باریله‌یاتگنینی تأکیدله‌دی.

نمایش بیشتر

نوشته های مشابه

دکمه بازگشت به بالا