مولوی عبدالکبیر: سیاسی علاقه‌لر کوندن کونگه کوچه‌ییب بارماقده
کابل ۲۰ عقرب باختر
باش وزیر اداره‌سی نینگ سیاسی اورین‌باسری لوگر نینگ بیر قطار متصدیلری و یاشلری بیلن بولیب اوتگن اوچره‌شوویده افغانستان اسلام امیرلیگی بیلن باغلیق فاکتلردن دنیا اهلی خبردار ایکنینی، سیاسی همکارلیک کوندن کونگه کوچه‌ییب باره‌یاتگنینی تأکیدله‌دی.
«ارگ» گزیته‌سی خبرنامه‌سیده افغانستان اسلام امیرلیگی باش وزیر اداره‌سی نینگ سیاسی اورین‌باسری مولوی عبدالکبیر توناون سپیدار سراییده لوگر ولایتی نینگ بیر قطار رسميلری و یاشلری بیلن اوچره‌شگنینی یازدی. مذکور اوچره‌شووده لوگر ولایتی متصدیلری اوشه ولایت نینگ تورلی اداره‌لری فعالیتی و یوتوقلری حقیده معلومات بیریش بیلن بیرگه، اوشه ولایت نینگ مدنی، اقتصادی و اجتماعی احوالی حقیده هم سوز یوریتدیلر.
اولر اوشه ولایت یاشلری و متصدیلری اورته‌سیده‌گی یخشی اویغونلیک همده اهالی نینگ محلی مأموریتلر بیلن همکارلیگینی تیلگه آلیب، شونده‌ی قوشیمچه قیلدیلر: یاشلر ۲۰ ییللیک جهادده قنچه‌دن-قنچه فداییلیک کورسه‌تگن بولسه، ایندیلیکده اولر هر نرسه‌گه تیار و اسلام تیزیمی نینگ برقرارلیگی و مستحکملیگی اوچون همکارلیک دیب تأکیدله‌دی.
شونینگدیک، یاشلر نینگ ایشسیزلیگی، برق انرژیسی، آبادانلشتیریش لایحه‌لری، یوللر و تعلیم معمالرینی حل ایتیش بوییچه اوز معما و تکلیفلرینی بیلدیریشدی.
افغانستان اسلام امیرلیگی، باش وزیر اداره‌سی نینگ سیاسی اورین‌باسری مولوی عبدالکبیر هم اوشبو اوچره‌شووده لوگر رسميلری و یاشلری فعالیتینی ایجابی بهالب، افغانستان اسلام امیرلیگی ییگیرمه ییللیک کوره‌شدن سونگ اوز آلدیگه قویگن مقصدلریگه ایریشدی، دیب، افغانستانده اشغال توگه‌دی و بوتون مملکتده برادرلیک محیطی حکم سورماقده دیدی.
مولوی عبدالکبیر افغانستان اسلام امیرلیگی مملکت رونقی یولیده کیچه‌یو-کندوز محنت قیله‌یاتگنی و حاضرده بو تیزیم نینگ دنیاده ۴۰ کیشی سیاسی وکیلی بارلیگی و قوشنیلری بیلن سودا بندرلری آچیق ایکنینی تأکیدلب، اونینگ قوشیمچه قیلیشیچه، دنیا افغانستان اسلام امیرلیگی بیلن باغلیق فاکتلردن خبردار و سیاسی همکارلیک کوندن-کونگه کوچه‌ییب بارماقده.
باش وزیر اداره‌سی نینگ سیاسی اورین‌باسری هم لوگر متصدیلری و یاشلرینی معما و طلبلری تیگیشلی اداره‌لرگه ییتکزیلیشیگه ایشانتیردی.
