مولوی عبدالکبیر: افغانلرگه خدمت کورسهتیش و اولر نینگ معمالرینی حل قیلیش اوچون کیچهیو کوندوز حرکت قیلینماقده

کابل ۲۷ عقرب باختر
باش وزیر ادارهسی نینگ سیاسی اورینباسری خوست ولایتیدهگی تنی قبیلهسی نینگ بیر قطار آقسقاللری و نفوذلی کیشیلری بیلن بولیب اوتگن اوچرهشوویده افغانلرگه خدمت کورسهتیش، اولر نینگ معمالرینی حل ایتیش بوییچه کیچهیو کوندوز سعی-حرکتلر آلیب باریلهیاتگنینی ایتدی.
ارگ گزیتهسیده یازیشیچه، افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر خوست ولایتی نینگ تنی قبیلهسی نینگ بیر قطار آقسقاللری و نفوذلی کیشیلری بیلن اوچرهشگن.
بو اوچرهشووده تنی آقسقاللری و نفوذلی آدملری باش وزیر ادارهسی نینگ سیاسی اورینباسری نینگ خلق معمالرینی حل ایتیش یولیدهگی سعی-حرکتلرینی یوقاری بهالب، حکومت نینگ بو ایشلریدن خلق ممنون ایکنینی تأکیدلهدیلر.
حکومت و خلق اورتهسیدهگی همکارلیکنی کینگهیتیریش و اسلامی توزومنی هر تامانلهمه قوللب-قوّتلشنی تأمینلشدن تشقری، اوز حدودلریدهگی ییلاولر، قوریلیش و آبادانلشتیریش لایحهلرینی باشلش و باشقه مسألهلر بوییچه اوز تکلیفلرینی باش وزیر ادارهسی نینگ سیاسی اورینباسریگه تقدیم ایتدیلر.
افغانستان اسلام امیرلیگی، باش وزیر ادارهسی نینگ سیاسی اورینباسری مولوی عبدالکبیر هم اوشبو اوچرهشووده افغانستان اسلام امیرلیگی اسلامی توزوم صفتیده افغانلرگه کیچهیو کوندوز سعی-حرکتلر آلیب باریلماقده، خدمت قیلیش و اولر نینگ معمالرینی حل قیلیش و بو مقصدنی عملگه آشیریشگه مسوول ایکنینی تأکیدلهدی.
مولوی عبدالکبیر افغانستان اسلام امیرلیگی خلق معمالرینی حل قیلیش و برچه معمالرنی حل قیلیش اوچون توبدن توغری یوللرنی تنلشینی قوشیمچه قیلدی.
باش وزیر ادارهسی نینگ سیاسی اورینباسری شونینگدیک، تنی قبیلهسی نینگ نفوذلی وکیللری و آقسقاللریگه موجود مسألهلرنی حل قیلیش اوچون تیگیشلی ادارهلر تامانیدن چاره کوریلیشینی، آدملر نینگ فکر-ملاحظهلری، مصلحتلری انابتگه آلینیشینی ایسلهتیب اوتدی.