کابل ۲ اسد باختر
باش وزیر ادارهسی نینگ اداری اورینباسری ۲۰۹ – الفتح قول اردوسی نینگ قوماندانی بیلن اوچرهشوویده مملکتدهگی خوفسیزلیک و برقرارلیک مجاهدلر همده مملکت مدافعه و خوفسیزلیک کوچلری نینگ سعی-حرکتلری ثمرهسیدیر، دیدی.
ارگ گزیتهسی، افغانستان اسلام امیرلیگی، باش وزیر ادارهسی نینگ اداری اورینباسری مولوی عبدالسلام حنفی نینگ ۲۰۹-الفتح قول اردوسی قوماندانی ملا رحمت الله محمد اکا بیلن اوچرهشگنینی یازدی.
اوشبو اوچرهشووده ملا رحمتالله محمد اکا ۲۰۹-الفتح قول اردوسی نینگ فعالیتی و وظیفهلری و بو قول اردو مجاهیدلری نینگ مقامی حقیده، باش وزیر ادارهسی نینگ اداری اورینباسرلیگه معلومات بیردی و الفتح قول اردو مجاهدلری اینگ یخشی حالتده ایکنلیگینی ایتدی. تیارگرلیک درجهسی و اولر یوکسک روح و منعویتگه ایگه بولیب، افغانستان اسلام امیرلیگی آقسقاللری نینگ خلق خوفسیزلیگی و فراوانلیگی همده مملکت حدودی یخلیتلیگینی حمایه قیلیش اوچون هر قندهی وقتده هدیه و کورسهتمهلرینی عملگه آشیریشگه تیارلیگینی ایتدی.
اوشبو اوچرهشووده باش وزیر ادارهسی نینگ اداری اورینباسری مولوی عبدالسلام حنفی هم افغانستان اسلام امیرلیگی مجاهدلری نینگ، خصوصاً، یوقاریده تیلگه آلینگن قول اردو مجاهدلری نینگ خلق خوفسیزلیگینی تأمینلش بارهسیدهگی فعالیتی و وظیفهلرینی یوقاری بهالهدی. و مملکت نینگ حدودی یخلیتلیگی و مستقللیگینی حمایه قیلیش اوچون قیلهدورگن فعالیتلری تقدیرگه سزاوار ایکنلیگینی تأکیدلهدی.
مولوی حنفی قوشیمچه قیلدیکی، بوگونگی کونده خلق و مملکت بهرهمند بولهیاتگن خوفسیزلیک، برقرارلیک و مستقللیک مجاهدلر همده مملکت مدافعه و خوفسیزلیک کوچلری نینگ سعی-حرکتلری نتیجهسیدیر و اولر بو بارهده هیچ قندهی قربانلیکلرینی ایهمهگنلیکلرینی ایتدی.
باش وزیر ادارهسی نینگ اداری اورینباسری، شونینگدیک، کیلگوسیده مجاهدلر همده مدافعه و خوفسیزلیک کوچلری خلققه خوفسیزلیک و فراوانلیکنی تأمینلش، مملکت شأنی و حدودی یخلیتلیگینی حمایه قیلیش یولیده اوز قابلیبلری و فداییلیکلرینی کورسهتیشی کوتیلهیاتگنینی تأکیدلهدی.
