ینگی‌لیک/اخبارسیاستجمیت/جامعهTOP

مولوی عبدالسلام حنفی جوزجان و قندوز ولایتلریدن کیلگن بیر گروه مجاهد و ایتنیک آقسقاللری بیلن اوچره‌شدی

 

کابل ۲ سرطان باختر
افغانستان اسلام امیرلیگی، باش وزیر اداره‌سی نینگ اداری اورین‌باسری مولوی عبدالسلام حنفی جوزجان و قندوز ولایتلریدن کیلگن بیر گروه مجاهد و ایتنیک آقسقاللری بیلن اوچره‌شدی.

ارگ اخبارات نامه‌سیده اوشبو مجاهدلر و نفوذلی کیشیلر بو اوچره‌شووده اوشه‌ ولایتلر نینگ اجتماعی، اقتصادی و خوفسیزلیک مسأله‌لری و محلی مأموریتلر نینگ خوفسیزلیک، تینچلیکنی تأمینلش و خلققه خدمت کورسه‌تیش باره‌سیده‌گی فعالیتی و وظیفه‌لری حقیده گپیرگنلیگینی یازدی. افغانستانلیک ملازملر و مجاهدلر باش وزیر اداره‌سی نینگ اداری اورین‌باسریگه حسابات تقدیم ایتیب، یوقاریده‌گیلردن ممنونلیگینی بیلدیردیلر.

شونینگدیک، اولر افغانستان اسلام امیرلیگی رسميلریدن اوشه‌‌ ولایتلرده تعلیم، ساغلیقنی سقلش کلینیکلری، ترانسپورت، ترقیات ایشلری و یاشلر اوچون ایش ا‌ورینلری یره‌تیش مسأله‌لریگه اعتبار قره‌تیشلرینی سوردیلر.

اوشبو اوچره‌شووده باش وزیر اداره‌سی نینگ اداری اورین‌باسری مولوی عبدالسلام حنفی هم افغانستان اسلام امیرلیگی ملازملری نینگ ایشیکلری برچه‌ اولوس اوچون آچیق ایکنلیگینی و اولر اوز تکلیف، فکر و معمالرینی بیلدیریشلرینی ممنونیت بیلن قبول قیلیشلرینی تأکیدله‌دی.

باش وزیر اداره‌سی نینگ اداری اورین‌باسری هم تورلی ساحه‌لرده خلققه خدمت کورسه‌تیش افغانستان اسلام امیرلیگی متصدیلری نینگ بورچ و مسئوليتیدن بیری ایکنینی تأکیدلب، امکان قدَر خلق نینگ خواهش-ایستکلری مرکز و ولایتلرده‌گی مسئوللر بو معمالرنی حل قیلیشگه حرکت قیله‌یاتگنینی ایتدی.

نمایش بیشتر

نوشته های مشابه

دکمه بازگشت به بالا