ینگی‌لیک/اخبارسیاستجمیت/جامعهTOP

مولوی عبدالسلام حنفی تورکيه‌ نینگ ایکّی خیریه‌ تشکیلاتی وکیللری بیلن اوچره‌شدی

 

کابل ۲۴ جوزا باختر
افغانستان اسلام امیرلیگی باش وزیر اداره‌سی نینگ اداری اورین‌باسری مولوی عبدالسلام حنفی، تورکيه‌ نینگ ایکّی خیریه‌ جمغرمه‌سی وکیللری بیلن اوچره‌شدی.

ارگ خبرنامه‌سیده مولوی عبدالسلام حنفی نینگ یادرم خیریه‌ جمغرمه‌سی وکیلی محمد عبید کوشکر و گینچ افق خیریه‌ جمغرمه‌سی نینگ تورکيه‌ده‌گی وکیلی علی شینل بیلن اوچره‌شگنینی یازدی.

اوشبو اوچره‌شووده بو وکیللر افغانستانده خوفسیزلیکنی تأمینلش و یخشی اقتصادی امکانیتلر یره‌تیب بیره‌یاتگنیدن ممنون ایکنلیکلرینی بیلدیریب، افغانستانده‌گی فعالیتی حقیده باش وزیر اداره‌سی نینگ اداری اورین‌باسریگه معلومات بیردیلر.

اولر تورکيه فقرالری و حکومتی نینگ افغانستان فقرالریگه یاردمی دوام ایتیشیگه ایشانتیردیلر و اوشبو جمغرمه‌لر تامانیدن افغانستانده‌گی مهاجرلر، زلزله‌ قربانلری و یقینده صادر بولگن سوو تاشقینی قربانلری اوچون یاردم پاکتلری ترقه‌تیلگنی، شونینگدیک، اوشبو تشکیلاتلرگه هم ترقه‌تیله‌دی.

افغانستان اسلام امیرلیگی نینگ باش وزیر اداره‌سی نینگ اداری اورین‌باسری مولوی عبدالسلام حنفی هم اوشبو اوچره‌شووده تورکيه حکومتی و فقرالری نینگ انسانپرورلیک یاردمینی یوقاری بهالب، افغانستان و تورکيه‌ نینگ دینی، تاریخی و مدنی ساحه‌لرده کوپلب مشترک تامانلری بارلیگینی تأکیدله‌دی، ایکّی دولت، هر دایم برادر مناسبتلری یخشی ایکنینی ایتدی.

باش وزیر اداره‌سی نینگ اداری اورین‌باسری تورکيه خیریه‌ جمغرمه‌لری فعالیتینی آلقیشلر ایکن، افغانستان اسلام امیرلیگی اولرگه بو باره‌ده ضرور قوله‌یلیکلر یره‌تیشینی قوشیمچه‌‌ قیلدی.

نمایش بیشتر

نوشته های مشابه

دکمه بازگشت به بالا