کابل ۹ اسد باختر
مملکتیمیز نینگ تورلی ولایتلریدن کیلگن قطار ژورنالیستلر، مدنیت اربابلری بیلن اوچرهشوویده باش وزیر ادارهسی نینگ اداری اورینباسری افغانستان اسلام امیرلیگی تامانیدن باسمه و ویدئو نشرلرنی مستحکملش و کینگهیتیریش بارهسیده کینگ کولملی ایشلر عملگه آشیریلهیاتگنینی تأکیدلهدی.
ارگ گزبتهسیده یازیلیشیچه، افغانستان اسلام امیرلیگی، باش وزیر ادارهسی نینگ اداری اورینباسری مولوی عبدالسلام حنفی مملکت نینگ تورلی ولایتلریدن کیلگن قطار ژورنالیستلر و مدنیت اربابلری بیلن اوچرهشگن.
مذکور اوچرهشووده یوقاریده تیلگه آلینگن ژورنالیست و مدنیت اربابلری افغانستان اسلام امیرلیگی رسميلری تامانیدن مملکتده خوفسیزلیک و آسایشتهلیک تأمینلنهیاتگنیدن، عامهوی اخبارات واسطهلری و مدنی تدبیرلرنی آلقیشلهیاتگنیدن ممنون ایکنلیکلرینی بیلدیریب، اسلام امیرلیگی حکمرانلیگی آستیده افغانستانده مدنیتنی محافظه قیلیش، تاریخی یادگارلیکلرنی اسرهب-اوهیلش و تیللرنی مستحکملش بوییچه کوپلب امکانیتلر موجود بولیب، بو دولت حاکمیتی نینگ ملت و دولتگه بولگن صداقتینی کورسهتهدی.
اولر متصدیلردن تیگیشلی ادارهلر آرقهلی مملکتیمیز شاعر و یازووچیلری اثرلرینی نشر ایتیش ساحهسیگه علیحده اعتبار قرهتیشینی طلب قیلدیلر.
افغانستان اسلام امیرلیگی باش وزیر ادارهسی نینگ اداری اورینباسری هم ژورنالیستلر و مدنیت خادملرینی مملکت نینگ معنوی بایلیکلری دیب اتهدی و افغانستان اسلام امیرلیگی تورلی ساحهلر، خصوصاً، مدنیت احتیاجلرینی قاندیریشگه اینتیلهیاتگنینی ایتدی. و معلوماتلرگه ایگه بولیب، بار کوچی بیلن تاریخی آبدهلرنی اسرهب-اوهیلشگه، باسمه و کورگزمهلی نشرلرنی مستحکملشگه حرکت قیلهدی.
باش وزیر ادارهسی نینگ اداری اورینباسری، شونینگدیک، افغانستان اسلام امیرلیگی امکان قدَر مملکت شاعر و یازووچیلری اثرلرینی نشر ایتیشگه حرکت قیلیشینی قوشیمچه قیلدی.
