کابل ۱۷ اسد باختر
بوگون اخبارات و مدنیت وزیرلیگی نینگ نشرات سرپرست معینی، باختر اخبارات آژانسی باشلیغی مولوی ضیاءالحق حقمل اوز دفتریده يونسکو نینگ افغانستاندهگی باش باشلیغی پاتریشیا مکفیلیپس و اونگه همراهلیک قیلهیاتگن هیئت بیلن اوچرهشدی.
بو اوچرهشووده مولوی حقمل بیرلشگن ملتلر تشکیلاتی نینگ تعلیم، فن و مدنیت مسألهلری بوییچه تشکیلاتیگه (يونسکو) افغانستان نینگ یاردمی اوچون منّتدارچیلیک بیلدیردی و تورلی ساحهلرده یاردم نینگ دوام ایتیشینی سوردی.
اَیریم عامهوی اخبارات واسطهلری نینگ شکایتلریگه توختهلر ایکن، کیلگوسیده ییتکیرمه اخبارات و مدنیت وزیرلیگی بیلن کیلیشیلگن حالده لایحه بیریلیشی، شکایتلر توغری یولگه قوییلیشی کیرهکلیگینی ایتدی.
شو بیلن بیرگه، يونسکو نینگ افغانستان بوییچه باش باشلیغی پاتریشیا مکفیلیپس اوشبو مملکتده ایریشیلگن یوتوقلرنی آلقیشلهدی و تیگیشلی ادارهلر اورتهسیده همکارلیکنی کوچهیتیریشگه علیحده اعتبار قرهتدی.
کوتریلگن شکایتلر حقیده مکفیلیپس شوندهی دیدی: بو تشکیلات اوزی نینگ مالی امکانیتلریدن کیلیب چیققن حالده ییتکیرمهگه لایحهلرنی تقدیم ایتهدی و بیر وقت نینگ اوزیده برچه ییتکیرمهگه یاردم بیره آلمهیدی.
يونسکو نینگ افغانستاندهگی باش باشلیغی بو بارهده اخبارات و مدنیت وزیرلیگی بیلن همکارلیکنی کوچهیتیریشگه ایشانتیردی.
