ینگی‌لیک/اخبارسیاستTOP

مولوی امیر خان متقی، حسن کاظمی قُمی بیلن اوچره‌شوویده ایران جمهور رئیسی و اونگه همراهلیک قیلگن هیئت نینگ وفاتی مناسبتی بیلن قیغوداشلیک بیلدیردی

 

کابل ۳۱ ثور باختر
تشقی ایشلر وزیرلیگی نینگ سرپرست وزیری ایران جمهور رئیسی نینگ مخصوص وکیلی و بو دولت نینگ کابلده‌گی ایلچیسی بیلن اوچره‌شوویده ایران جمهور رئیسی و اونگه همراهلیک قیلگن هیئت نینگ وفاتی مناسبتی بیلن همدردلیک بیلدیردی.

تشقی ایشلر وزیرلیگی مطبوعات خدمتی اوز اخبارات نامه‌سیده افغانستان اسلام امیرلیگی تشقی ایشلر وزیرلیگی نینگ سرپرست وزیری مولوی امیرخان متقی ایران اسلام جمهوریتی رئیسی نینگ مخصوص وکیلی و بو مملکت نینگ کابلده‌گی ایلچیسی حسن‌ کاظمی قُمی بیلن اوچره‌شگنینی یازدی.

اوشبو اوچره‌شووده مولوی امیر خان متقی هلیکوپتر نینگ قوله‌شی عاقبتیده جناب عاليلری داکتر سید ابراهیم رئیسی، ایران اسلام جمهور رئیسی، امیرعبداللهیان تشقی ایشلر وزیری نینگ وفاتی مناسبتی بیلن افغانستان اسلام امیرلیگی و افغانستان خلقی بو قیغولیک الم طفیلی اوز قیغوداشلیکلرینی بیلدیریب ایران حکومتی و خللقیگه چیدم تیلب و او رحمتلیلرگه اوچماق تیلب قاله‌دی دیب بیلدیردی.

مملکت تشقی ایشلر وزیرلیگی نینگ سرپرست وزیری ایران اسلام جمهوریتی رئیسی و تشقی ایشلر وزیری نینگ اورنی و ییتکچیلیگینی منطقوی همکارلیک، خصوصاً، افغانستان بیلن رواجلنتیریشده قیمتلی دیب اته‌دی.

ایران اسلام جمهوریتی رئیسی نینگ مخصوص وکیلی و اوشبو مملکت نینگ کابلده‌گی ایلچیسی حسن کاظمی قُمی افغانستان حکومتی و خلقی نینگ همدردلیک مکتوبی اوچون اوز منّتدارچیلیگینی اظهار قیلر ایکن، ایران حکومتی و خلقی اوشبو واقعه‌گه تعزیه‌ بیلدیردی. واقعه‌ نینگ دستلبکی دقیقه‌لریده افغانستان حکومتی و خلقیدن همدردلیک مکتوبینی آلدی.

قُمی، شونینگدیک، افغانستان و ایران خلقلری و حکومتلری اورته‌سیده‌گی مناسبتلرنی صمیمی، دیب بهاله‌دی و ایران اسلام جمهوریتی نینگ دفن مراسمی بیلن باغلیق سونگگی قرارلری حقیده افغانستان تامانینی خبردار قیلیشینی قوشیمچه‌ قیلدی.

ایسله‌تیب اوتمیز، ایران اسلام جمهوریتی رئیسی داکتر سید ابراهیم رئیسی و اونینگ همراهلیگیده‌گی هیئت اوز هلیکوپتر نینگ اوشه‌ مملکتده اوتگن آقشام (۳۰-ثور، یکشنبه‌) قوله‌شی عاقبتیده جان بیرگن.

نمایش بیشتر

نوشته های مشابه

دکمه بازگشت به بالا