جمیت/جامعهTOPینگی‌لیک/اخبارسیاست

مهاجرلر معمالری بیلن شغللنووچی عالی کمیسیونده رمضان آییده قَیتگنلرگه کوپراق یاردم کورسه‌تیش مسأله‌سی بحث قیلیندی

 

کابل ۲۲ حوت باختر
مهاجرلر معمالری بیلن شغللنووچی عالی کمیسیون نینگ ییغیلیشی اونینگ اون ایکّی کمیته‌سی باشلیغلری اشتراکیده باش وزیرلیک اداره‌سی نینگ اورین‌باسری رئیسلیگیده بولیب اوتدی.

ارگ اوز خبرنامَسیده شونده‌ی دیب یازدی: باش وزیرلیک اداره‌سی نینگ اورین‌باسری و مهاجرلر معمالری بیلن شغللنووچی عالی کمیسیون باشلیغی مولوی عبدالسلام حنفی رئیسلیگیده و رسميلر اشتراکیده اوتکزیلگن اوشبو ییغیلیشده اوشه‌ کمیسیون نینگ اون ایکّی کمیته‌سیده قَیتیب کیلگنلر بیلن باغلیق بیر قطار مسأله‌لر بحث قیلدیلر.

شونینگدیک، یوقاریده تیلگه آلینگن کمیته‌لر مسوول خادملری اوز فعالیتی و کورسه‌تگن ایشلری، سونگره‌ تورلی مملکتلردن مملکتیمیزگه قَیتگن افغان مهاجرلری نینگ مسلکی معلوماتلری، نقد پول یاردمینی قنده‌ی تقسیملش، اولرنی آزوق-اوقات، کییم-کیچک، اوی-جای بیلن تأمینلش بوییچه‌‌ معروضه‌ قیلدیلر. و همده مملکتگه قَیتیب کیله‌یاتگن تدبیرکارلر و سرمایه‌دارلرنی قنده‌ی رویخطگه آلیش و برقرارلشتیریش مسأله‌لری هم بحث قیلیندی.

اوشبو ییغیلیشده بیرلشگن عرب امیرلیکلریدن قَیتگن فقرالر اوچون رمضان آیی مناسبتی بیلن بولیب اوتگن بیر میلیون و سکّیز یوز مینگ دالر نقد پول یاردمی تقسیماتی حقیده سوز یوریتیلدی و ضرور قرارلر قبول قیلیندی.

نمایش بیشتر

نوشته های مشابه

دکمه بازگشت به بالا