ملی مدافعه وزیرلیگی نینگ سرپرستی سعودی عربستان نینگ کابلدهگی اېلچیسی بیلن اوچرهشدی

کابل ۳ دلو باختر
افغانستان ملی مدافعه وزیرلیگی نینگ سرپرستی بوگون سعودی عربستان نینگ کابلدهگی اېلچیسی فیصل طلق البقمی بیلن اۉز دفتریده اوچرهشدی.
اوشبو اوچرهشووده مولوی محمد یعقوب مجاهد افغانستان و سعودی عربستان اۉرتهسیدهگی علاقهلرنی مدنی و مفکوروی جهتدن عمومی و اجرهلمس دېب حسابلهدی همده بو دولت نینگ تورلی ساحهلردهگی همکارلیگینی یوقاری بهالهدی.
ملی مدافعه وزیرلیگی مطبوعات کاتبی عنایت الله خوارزمی نینگ ایتیشیچه، مولوی محمد یعقوب مجاهد هم سعودی عربستان نینگ کابلدهگی اېلچیخانهسی فعالیتینی قَیته تیکلشنی مهم و اهمیتلی دېب اتهدی.
سعودی عربستان اېلچیسی اۉز مملکتی نینگ افغانستان بیلن ایکّی تامانلهمه مناسبتلر و بشردوستلیک، اقتصادی و سیاسی همکارلیکنی کېنگهیتیریش طرفداری اېکنینی تأکیدلهدی.