ملا نورالدین ترابی: بیرگه‌لیکده همکارلیک قیلسه، آفتلر بیلن ثمره‌لی کوره‌شیش ممکن
کابل ۲۶ جدی باختر
طبيعی آفتلرگه تیارگرلیک کۉریش ملی اداره‌سی سرپرست باشلیغی جینوا کال مؤسسه‌سی باشلیغی بیلن اوچره‌شوویده بیرگه‌لیکده‌گی همکارلیک آرقه‌لی طبيعی آفتلر بیلن ثمره‌لی کوره‌شیش ممکنلیگینی ایتدی.
ملی طبيعی آفتلرنی باشقه‌ریش اداره‌سی نینگ مطبوعات خدمتی بوگون ملی طبيعی آفتلرنی باشقه‌ریش اداره‌سی نینگ باشلیغی اۉز دفتریده جینوا کال مؤسسه‌سی نینگ افغانستانده‌گی باشلیغی فهد عباسی و بشردوستلیک خدمتلردن فایده‌لنیش بۉییچه مصلحتچی نجیب‌الله سلیمان‌خیل، و دستولرنی رېجه‌لشتیریلگن مسئولی حکمت‌الله ځدران بیلن اوچره‌شگنینی معلوم قیلدی.
ملی آفتلرگه تیارگرلیک اداره‌سی باشلیغی جینوا کال چقیروو مؤسسه‌سی هیئتیگه اداره فعالیتی و معمالری حقیده گپیریب، هیئتنی اداره هر قنده‌ی همکارلیککه تیار اېکنلیگیگه ایشانتیردی و بیرگه‌لیکده‌گی همکارلیک آرقه‌لی طبيعی آفتلر بیلن ثمره‌لی کوره‌شیش ممکنلیگینی تأکیدله‌دی.
جینوا کال چقیروو مؤسسه‌سی باشلیغی فهد عباسی نینگ ایتیشیچه، جینوا کال چقیروو مؤسسه‌سی افغانستانده ۲۰۱۹-ییلده اۉز فعالیتینی باشله‌گن و شو پیتگچه تورلی مؤسسه‌لر خادملری اوچون اۉقوو سمینارلری اۉتکزگن. فهد عباسی ملی طبيعی آفتلرگه تیارگرلیک کۉریش و اونگه قرشی کوره‌ش اداره‌سی رهبرینی جینوا کنفراسیده اشتراک اېتیشگه تکلیف قیلدی.
