ملا برادر آخوند: اسلام امیرلیگی قوش‌تیپه کانالی ایشینی بیلگیلنگن وقتده یکونلش مجبوريه‌تینی آله‌دی
کابل ۹ سنبله باختر
باش وزیر اداره‌سی نینگ اقتصادی اورین‌باسری ملا عبدالغنی برادر آخوند قوش‌تیپه کانالی ایشلری بیلن تنیشدی.
اقتصادی اورین‌باسرلیک مطبوعات خدمتی نینگ باختر آژانسیگه معلوم قیلیشیچه؛ اقتصادی اورین‌باسرلیک مذکور ملی کانال نینگ قیرغاقینی قوریشده «ملی ترقیات شرکتی» تامانیدن عملگه آشیریلگن ایشلرنی یوقاری بهالب، مذکور کارخانه خادملریگه قیرغاق و کانال ایشلرینی تولیق انیقلیک، صفتلی و اوز وقتیده یکونلش بوییچه کورسه‌تمه‌لر بیردی.
ملا برادر آخوند، شونینگدیک، قوش‌تیپه کانالینی ایکینچیلیک و سوو تأمیناتی ساحه‌سیده مهم دیب اته‌دی و اسلام امیرلیگی بار کوچی بیلن بو ایشنی اوز وقتیده یکونلشگه بیل باغلگنینی ایتدی.
تأکیدلش کیره‌ککی، عینِ پیتده افغان انجنیرلری تامانیدن ملی کانال قیرغاقی قوریلیشی همده ایکّینچی باسقیچ ایشلری موفقیتلی دوام ایتتیریلیب، مینگلب آدملر ایش بیلن تأمینلنگنینی تأکیدلب اوتدی.
