ینگی‌لیک/اخبارسیاستجمیت/جامعهTOP

مبارک قربان هییتی کیریب کیلیشی مناسبتی بیلن امیرالمؤمنین شیخ القرآن و الحدیث مولوی هبةالله آخوندزاده‌ حفظه‌الله تعالی نینگ قوتلاو پیامی

 

کابل ۲۵ جوزا باختر
بسم الله الرحمن الرحیم
الله أکبر الله أکبر، لا إله إلا الله والله أکبر، الله أکبر ولله الحمد
الحمد لله نحمده ونستعينه ونستغفره ونعوذ بالله من شرور أنفسنا ومن سيئات أعمالنا من يهده الله فلا مضل له ومن يضلل فلا هادي له وأشهد أن لا إله إلا الله وحده لا شريك له وأشهد أن محمدا عبده ورسوله. صلوات الله تعالی و سلامه علیه و علی آله و أصحابه أجمعین.
اما بعد: فقد قال الله عز وجل:
ــــ قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّـهِ رَبِّ الْعَالَمِينَ ﴿١٦٢﴾ الانعام
ترجمه‌سی: ایتینگکی، مینینگ نمازیم، قربانلیگیم، (آخر-عاقبت) حیاتیم و اولیمیم فقط عالملر نینگ پروردگاری الله‌نی‌ کیدیر. (عزيز التفاسير، جلد۴، ص: ۴۰۳).
ـــ وَأَتِمُّوا الْحَجَّ وَالْعُمْرَةَ لِلَّهِ ۚ … وَاتَّقُوا اللَّهَ وَاعْلَمُوٓا أَنَّ اللَّهَ شَدِيدُ الْعِقَابِ
[سُوۡرَةُ البَقَرَة: ۱۹۶] ترجمه‌: و حجنی هم، عمره‌نی هم الله تعالی رضالیگی اوچون مخصوص تماماً قیلینگ… و الله‌دن قورقینگ و بیلینگکی، شبهه‌سیز، الله تعالی نینگ عذابی جوده‌ قتّيقدیر. (تفسیر کابلی جلد ۱، ص: ۱۶۳-۱۶۶).

ــ عَنْ أَنَسِ بْنِ مَالِكٍ رضی الله تعالی عنه قَالَ: ضَحَّى رَسُولُ اللَّهِ -صلى الله عليه وسلم- بِكَبْشَيْنِ أَمْلَحَيْنِ أَقْرَنَيْنِ ذَبَحَهُمَا بِيَدِهِ وسَمّى وَكَبّر قال: رَأَيْتُهُ وَاضِعًا قَدَمَهُ عَلَى صِفَاحِهِمَا وَيَقُولُ بسم الله والله اکبر، متفق عليه.
ترجمه‌: حضرت انس رضی الله تعالی عنه‌دن روایت قیلینه‌دی: «رسول‌الله صلی الله علیه وسلم ایکّی شاخلی قوچقارنی (شاخلری اوزون یاکه شاخی سینمه‌گن) آق و قاره‌ اره‌لش قوشلگن قوچقارنی قربانلیک قیلدیلر. رسول‌الله صلی الله علیه وسلم الله نینگ نامی بیلن و تکبیر، دیدیلر و اونی مبارک قوللری بیلن سویدیلر. حضرت انس رضی الله تعالی عنه ایته‌دیلر: «مین مبارک آیاغینی قوی نینگ بوینیگه قوییب، الله نینگ نامی بیلن، تکبیر، دیب ایتگنینی کوردیم» (بخاری و مسلم).
خلاصه‌ قیلیب ایتگنده، رسول‌الله صلی الله علیه وسلم، آق-قاره‌ رنگلی ایکّیته شاخلی قوچقارنی قربانلیک قیلیب، اوز قوللری بیلن سوییب، بسم الله‌ و تکبیر ایتیب، اولر نینگ بوینیگه مبارک آیاقلرینی قویگن ایدیلر.
ــ عَنْ عَائِشَةَ أَنَّ رَسُولَ اللَّهِ -صلى الله عليه وسلم- قَالَ « مَا عَمِلَ آدَمِىٌّ مِنْ عَمَلٍ يَوْمَ النَّحْرِ أَحَبَّ إِلَى اللَّهِ مِنْ إِهْرَاقِ الدَّمِ إِنَّهَا لَتَأْتِى يَوْمَ الْقِيَامَةِ بِقُرُونِهَا وَأَشْعَارِهَا وَأَظْلاَفِهَا وَإِنَّ الدَّمَ لَيَقَعُ مِنَ اللَّهِ بِمَكَانٍ قَبْلَ أَنْ يَقَعَ مِنَ الأَرْضِ فَطِيبُوا بِهَا نَفْسًا» مشکوة جلد ۱، ص ۱۲۸
ترجمه‌: بی‌بی عایشه رضی الله تعالی عنها ایته‌دیلر: رسول‌الله صلی الله علیه وسلم ایتدیلر: «آدم فرزندی نینگ هیچ بیر عملی (قربانلیک کونی) الله تعالگه قربانلیکدن سیویملیراق ایمس. قان توکیسه (قربانلیک قیلیش) سوییلگن حیوان (قربانلیگی) قیامت کونی شاخی، ساچی و تیرناقلری بیلن کیله‌دی و قربانلیک قانی ییرگه توشمسدن آلدین (یعنی سوییش وقتیده) الله تعالی درگاهیده قبول قیلینه‌دی. شونده‌ی قیلیب، سیز شو سببلی (یعنی قربانلیک) نفسینگیزنی خورسند قیلینگ.

افغانستان نینگ مجاهد و مؤمن خلقیگه و بوتون دنیا مسلمانلریگه!
السلام علیکم ورحمة الله وبرکاته!
اوّل هم بار برچه‌نگیزنی هییت بیره‌می بیلن تبریکله‌یمن. الله تعالی درباریگه قیله‌دورگن قربانلریمیز، صدقه‌لریمیز، حجلریمیز و برچه‌ ایزگو عمللریمیزنی قبول قیلسین.
منه‌ شو عبادت و قربانلیک کونلری شریعت و عموم‌انسانی تینچلیکدن بهره‌مند بوله‌یاتگن بیر پیتده بیزلرگه کیریب کیله‌یاتگنی اوچون برچه‌میز الله تعالی نینگ ینه‌ده کوپراق الهی نعمتلریگه لایق بولگنیگه شکر قیلیشیمیز کیره‌ک.
الحمدلله، اسلام امیرلیگی کیلیشی بیلن افغانستانده شریعت تیزیمی حکمران بولدی، مقّدس اسلام شریعتی تطبیق ایتیلدی، دینی عرف-عادتلرنی یوکسه‌لتیریش، ینگی مرکزلرنی رواجلنتیریش و مستحکملش اوچون مهم‌ چاره-تدبیرلر عملگه آشیریلدی، بولر نینگ برچه‌سی. مقصد و قدریتلرنی قولگه کیریتیش اوچون حلال خلقیمیز اوزاق وقت کوره‌ش آلیب بارگن و کتّه‌ قربانلیک قیلگن سببلی قولگه کیلگن.
وطنیمیزده اسلامی‌ برادرلیک و بیردملیک قرار تاپدی، کانلر، ییرلر، اورمانلر و باشقه‌ ملکلریمیز بَیتولمال صفتیده محافظه‌ قیلیندی.
اسلام امیرلیگی حکمرانلیگی بیلن برچه‌ فقرالر نینگ شریعت حقوقلری تأمینلنه‌دی و حمایه‌ قیلینه‌دی، هیچ کیم هیچ کیمگه ظلم قیله آلمه‌یدی، ظلم نینگ آلدی آلینه‌دی و مظلوملر نینگ حق-حقوقی سوراق قیلینه‌دی.
شریعت محکمه‌لری فعالیتی بیلن مقّدس شریعت حیاتگه تطبیق ایتیلیب، امر بالمعروف و نهی عن المنکر نینگ اولوغ بورچی عملده آشیریلماقده. بو بولیمده شریعت تمایللری اساسیده جمعیتنی اصلاح قیلیش مقصدیده چاره-تدبیرلر کوریله‌دی.
الله تعالی نینگ یاردمی و مرحمتی بیلن اسلام امیرلیگی نینگ حکمتلی چاره-تدبیرلری، صمیمیت و آشکارا‌لیک مرحمتی بیلن قَیته قوریش، دهقانچیلیک، ییرلرنی سوغاریش، قندکارلیک، کانچیلیک و باشقه‌ ساحه‌لرده مهم‌ قدملر قوییلدی و حاضر هم دوام ایتماقده.
اسلام امیرلیگی ینه‌ بیر بار برچه‌ سرمایه‌دارلر و تدبیرکارلرنی تورلی ساحه‌لرگه سرمایه‌ کیریتیشگه و افغانستان رواجیگه حصه‌ قوشیشگه چقیرماقده.
اسلام امیرلیگی اولر نینگ خوفسیزلیگی و برچه‌ حقوقلرینی حرمت قیلیشگه صادقدیر و امیرلیک نینگ برچه‌ نهادلری افغانستان نینگ فراوانلیگی و اقتصادی رواجلنیشی ساحه‌سیده سرمایه‌دارلر اوچون ضرور قوله‌یلیکلر یره‌تیش و اولر نینگ بو باره‌ده‌گی سوراولریگه اعتبار بیریش مجبوريه‌تینی آله‌دی.
اسلام امیرلیگی یتیملر، بیوه‌لر، معلوللر و کمبغللر نینگ حقوقلرینی حمایه‌ قیلیشگه قتّيق بیل باغلگن، بیز هم افغان بایلرینی کمبغل و یتیملرنی اونوتمسلیککه، اولرگه غمخورلیک و یاردم کورسه‌تیشگه هر تامانله‌مه اعتبار قره‌تیشگه چقیره‌میز.
تیلنچیلرنی تیلنچیلیکدن قَیتریش اوچون کتّه‌ چاره-تدبیرلر کوریلدی و محتاج دیب تاپیلگن مینگلب تیلنچیلرگه اسلام امیرلیگی تامانیدن یاردم بیریلماقده.
اسلام امیرلیگی بوتون دنیا، خصوصاً اسلام دولتلری بیلن شریعت دایره‌سیده سیاسی و اقتصادی علاقه‌لر اورنه‌تیلیشینی ایسته‌یدی و بو باره‌ده اوز مجبوريه‌تینی بجردی.

اسلام امیرلیگی نینگ عملدارلریگه مصلحتیم شوکی، اوز مسئوليتی بوییچه‌ برچه‌ ساحه‌لرده خلق خدمتی، خوفسیزلیگی و فراوانلیگی اوچون اوز مجبوريه‌تلرینی جدّی بجرسین. ایشیکلرینگیزنی آدملرگه آچینگ، ایشینگیزنی ثمره‌لی و شاشیلینچ بجرینگ، هیچ قچان اولوس اوزینی سیزگه بیگانه‌ دیب حسابله‌یدیگن طرزده معامله‌ قیلمنگ.
خوفسیزلیک خدمتی خادملریگه، اینیقسه‌، هییت کونلریده اوز خلقی نینگ فراوانلیگی، خدمتی و خوفسیزلیگیگه تولیق اعتبار قره‌تیش، بخت-سعادت، تینچلیک-خاطرجمعلیک یولیده برچه‌ چاره‌لرنی کوریش، شهیدلر، معلوللر و شهیدلر نینگ عایله‌ اعضالریدن سوره‌شنی تاپشیره‌من. و یتیملرگه قولینگیزدن کیلگنیچه یاردم بیریشگه چقیره‌من.

عزیز برادرلر!
شریعت توزومیمیزنی حمایه‌ قیلیش، تربیه‌لش و خدمت قیلیش سیز نینگ و بیز نینگ بیرگه‌لیکده‌گی مسوولیتیمیزدیر کیلینگلر، برادرلردیک بیردم و صمیمی بوله‌یلیک، بیر-بیریمیز بیلن یانمه-یان بوله‌یلیک، دشمنلر نینگ برچه‌ فتنه‌لریگه برهم بیره‌یلیک، حکمدار نینگ خوفسیزلیگی، فراوانلیگی، اهالی و شریعت تیزیمینی قدرله‌یلیک و اونی مستحکملش یولیده بیرگه‌لیکده حرکت قیله‌یلیک.
الحمدلله، بو ییل هم افغانستاندن ۳۰۰۰۰ گه یقین زیارتچیلر حج نینگ اولوغ بورچینی ادا ایتیش اوچون مکه مکرمه گه باریشدی. بوتون اسلام امتی، اینیقسه‌ فلسطین نینگ مظلوم مسلمانلری و اذیت چیکّن خلقیمیز اوچون دعا قیلیشلرینی بوتون دنیادن کیلگن حاجیلردن التماس قیله‌منکی، الله اولرگه دنیا و آخرت سعادتینی نصیب ایتسین
سونگگی پیتلرده افغانستان نینگ تورلی ولایت و ولایتلریده یوز بیرگن سوو تاشقینلری، یامغیرلر و باشقه‌ آفتلر بیزنی چوقور قیغوگه سالدی.
بیز اوز جانلرینی قولدن بیرگن عایله‌لری بیلن صميمی همدردلیگیمیزنی بیلدیره‌میز.

اسلام امیرلیگی نینگ تیگیشلی نهادلری، وزیرلیکلری و مجاهدلری قوشنی دولتلردن مجبوراً دیپورت قیلینگن قاچقینلر نینگ تورر جای، ترانسپورت، ساغلیقنی سقلش و باشقه‌ ساحه‌لرده خدمتلریگه حصه‌ قوشیشلری کیره‌ک، اولر حلی هم بند و اولرگه ییر اجره‌تیشگه قرار قیلیشدی. بیز هم تدبیرکارلر، بدولت آدملر و عادی افغانلردن مهاجر اکه-اوکه‌لرنی امکانی باریچه قوللب-قوّتلشلرینی و اولردن اوز حصه‌لرینی ایه‌مسلیکلرینی سوره‌یمیز.
هییت عرفه‌سیده باش‌پناه‌سیز قالگن عایله‌لرنی اسره‌ب، هییت بختیگه شریک بولینگ.
بیز اسرائیللیک صهیونیست نینگ غزه و فلسطين نینگ باشقه‌ حدودلریده عیاللر، باله‌لر و مظلوم مسلمانلرگه قیلگن هجوملری و وحشيلیکلرینی قتّيق سوزلر بیلن قاره‌له‌یمیز و باشقه‌ دولتلردن هم بو کتّه‌ جنایت و وحشيلیکلرنی توغری توله‌شلرینی سوره‌یمیز.
نهایت، ینه‌ بیر بار برچه‌ اِیمان-اعتقادلی و ارداقلی انسانلرنی هییت بیره‌می بیلن تبریکله‌یمن. الله تعالی هییتلریمیزنی تولیق مستقللیک و اسلامی توزوم سایه‌سیده ابدی تینچلیک و بختده اوتکزیشیمیزنی نصیب ایتسین.

اميرالمؤمنين شیخ القرآن و الحدیث مولوی هبةالله آخوندزاده
۷/۱۲/۱۴۴۵ هـ ق
۲۵/۳/۱۴۰۳هـ ش ــ 2024/6/14م

نمایش بیشتر

نوشته های مشابه

دکمه بازگشت به بالا