مالیه وزیرلیگی نینگ سرپرستی: بو امکانیتدن فایده‌لنیب، برچه محلی و خارجی سرمایه‌دارلرنی تولیق ایشانچ بیلن تورلی ساحه‌لرگه سرمایه کیریتیشلری ممکن
کابل ۱۲ سرطان باختر
مالیه وزیرلیگی نینگ سرپرستی ملا محمد ناصر آخوند قطار اوزبیکستانلیک سرمایه‌دارلر بیلن بولیب اوتگن اوچره‌شوویده برچه ایچکی و خارجی سرمایه‌دارلر اوشبو امکانیتدن فایده‌لنگن حالده تولیق ایشانچ بیلن تورلی ساحه‌لرگه سرمایه کیریتیشی ممکنلیگینی ایتدی.
مالیه وزیرلیگی نینگ مطبوعات خدمتی بوگون معلوم قیلیشیچه، مالیه وزیرلیگی نینگ سرپرستی افغانستانگه سرمایه کیریتیش اوچون ییترلی امکانیتلر یره‌تیلگنی، فسادگه برهم بیریلگن و عمومی خوفسیزلیک اورنه‌تیلگن. شونده‌ی ایکن، برچه ایچکی و خارجی سرمایه‌دارلر اوشبو امکانیتدن فایده‌لنگن حالده تولیق ایشانچ بیلن تورلی ساحه‌لرگه سرمایه کیریتیشلری ممکن.
اوزبیکستانلیک سرمایه‌دارلر تاغ-کان صنعتی، برق انرژیسی و تیزیمنی زمانه‌ویلشتیریش ساحه‌لریگه سرمایه کیریتیشگه قیزیقیش بیلدیردی و سرمایه اوچون ضرور همکارلیکنی طلب قیلدی.
مالیه وزیرلیگی نینگ سرپرستی اوزبیکستانلیک سرمایه‌دارلرگه افغانستانگه سرمایه کیریتیشگه قیزیقیش بیلدیرگنی اوچون منّتدارلیک بیلدیریب، اولرنی ضرور همکارلیک و یوقاریده قید ایتیلگن ترماقلرگه سرمایه کیریتیش اوچون بنیادی قوله‌یلیکلر یره‌تیشگه ایشانتیردی.
