ینگی‌لیک/اخباراقتصاد/سوداگرلیکTOP

لوگر سمنت کانیگه ساکو افغان شرکتی تامانیدن یوز میلیون دالر سرمایه‌ کیریتیله‌دی

 

کابل ۸ جوزا باختر
کان و پترولیم وزیرلیگی نینگ معلوم قیلیشیچه، ساکو افغان شرکتی لوگر ولایتیده‌گی سمنت کانیگه ۱۰۰ میلیون دالر سرمایه‌ کیریتماقده.

کان و پترولیم وزیرلیگی مطبوعات خدمتی بوگون بو خبرنی اعلان قیلدی و کان و پترولیم وزیرلیگی نینگ سرپرست وزیری شیخ الحدیث شهاب‌الدین دلاور ساکو افغان شرکتی باشلیغی الحاج رسول‌خان و اولر نینگ چینلیک همکارلری بیلن اوچره‌شگنی حقیده خبر بیردی.

اوشبو اوچره‌شووده افغانستان نینگ منرال-خام‌مواد ریسورسلریگه سرمایه‌ کیریتیش امکانیتلری حقیده سوز بارر ایکن، اولر اوچون قوله‌ی محیط یره‌تیش و مملکت نینگ عمومی خوفسیزلیگینی تأمینلش یوزه‌سیدن فکر المشیلدی.

شونینگدیک، مذکور شرکت باشلیغی اوشبو مملکت کانلریگه، خصوصاً، لوگر ولایتیده‌گی سمنت کانیگه سرمایه‌ کیریتیشدن علاقه‌دار ایکنلیگینی تأکیدلب، لوگر ولایتیده‌گی سمنت کانیگه یوز میلیون دالر سرمایه‌ کیریتیلیشی بیلن، ۲۰۰۰ دن آرتیق کیشی اوچون یخشی ایش بوله‌دی، بو کان و پترولیم وزیرلیگی نینگ سرپرست وزیری تامانیدن ممنونیت بیلن قبول قیلیندی، ضرور همکارلیک و کوپراق آبعیکتلر یره‌تیش وعده‌ قیلیندی.

نمایش بیشتر

نوشته های مشابه

دکمه بازگشت به بالا