لوگرده مقّدس ناملی ینگی رادیو ایش باشلهدی
کابل ۱۷ قوس باختر
عینِ پیتده، لوگر شهریدهگی مقّدس ناملی ینگی رادیو ۶ ته باشقه دولت و خصوصی رادیواستیشنلر بیلن بیر قطارده رسماً اېفیرگه (نشرات)گه چیقه باشلهدی.
اوشبو رادیو نینگ آچیلیش مراسمیده اخبارات و مدنیت وزیرلیگی نینگ هنر و مدنیت معینی مولوی عتیقالله عزیزی، باختر اخبارات آژانسی نینگ باشلیغی مولوی ضیاءالحق حقمل، لوگر اخبارات و مدنیت باشقرمهسی باشلیغی دوکتور رفیعالله صمیم، اطلاعات آمری حمیدالله صدیقی و بیر قنچه ژورنالیستلر قتنشگن ایدیلر.
اوشبو رادیو نینگ آچیلیش مراسمیده اخبارات و مدنیت وزیرلیگی نینگ هنر و مدنیت معینی مولوی عتیقالله عزیزی شوندهی دیدی: «رادیو چېکّه حدودلر اهالیسی اوچون یگانه عامهوی اخبارات واسطهسی بۉلیب، اهالینی اخبارات بیلن تأمینلشده مهم اۉرین توتیب، ملازملردن اسلامی توزوم سیاستی اساسیده اېفیرگه چیقیشنی طلب قیلدی.
باختر اخبارات آژانسی باشلیغی مولوی ضیاءالحق حقمل اوشبو رادیو نینگ آچیلیشیده اسلام امیرلیگی عامهوی اخبارات واسطهلری نینگ تۉلیق قۉللب-قوّتلاوچیسی و همکاری اېکنلیگینی تأکیدلهدی.
لوگر ولایتی نینگ اخبارات و مدنیت باشقرمهسی باشلیغی رفیعالله صمیم: “بوگون بو ولایتده ینگی رادیواستیشن نینگ آچیلیشیگه گواه بۉلیش خورسندلیک اورنی، او اسلام امیرلیگی نینگ کېلیشی بیلن عامهوی اخبارات واسطهلری وضعیت یخشیلنگنینی قۉشیمچه قیلیب و حاضرگچه بو ولایتده عامهوی اخبارات واسطهلری و ولایت مأموریتی اۉرتهسیده هېچ قندهی معما یوزهگه کېلگنی یۉق.” دیب تأکیدلب، اخبارات و مدنیت وزیرلیگی عامهوی اخبارات واسطهلرینی قۉللب-قوّتلش اوچون هېچ نرسه قیلیشدن تارتینمسلیگیگه ایشانتیردی.
شو بیلن بیرگه، مقّدس رادیو باشلیغی محمد قاسم صمدی نینگ ایتیشیچه، بو خصوصی رادیو ۸۹.۱ افام آرقهلی اېشیتتیرهدی و تخمیناً ۱۶ مینگ آمریکا دالری خرجتی بیلن یوریلگنینی ایتدی.
تأکیدلش کیرهککی، عینِ پیتده لوگرده ملی رادیودن تشقری ۵ ته خصوصی رادیواستیشنلری فعالیت کۉرسهتماقده، بوندن تشقری، باختر اخبارات آژانسی، اخبارات و مدنیت باشقرمهسی نینگ آیلیک گزېتهسی، عالی تعلیم مؤسسهسی نینگ عینک ژونالی (مجلهسی) هم فعالیت کۉرسهتماقده دیدی.
