کابل ۱۵ اسد باختر
فلسطین خلقینی قوللب-قوّتلش و صهیونیست اشغالچی ریجیمی نینگ هجوملریگه جواباً لبنان نینگ حزباللهسی بو ریجیم نینگ ایلیت هاشاحر حربی قرارگاهیگه هوا هجومی اویوشتیردی.
خلقارا ییتکیرمه خبرلریگه کوره؛ لبنان نینگ حزباللهسی بوگون ایرتهلب بیانات بیریب، بیر گروه اوچووچیسیز هوا واسطهلری بیلن اشغالچی ریجیمی نینگ ایلیت هاشاحردهگی ۹۱-سانلی حربی قرارگاهینی نشانگه آلگنینی اعلان قیلدی.
حزبالله بو هجوم فلسطینلیکلرنی قوللب-قوّتلش و اولر نینگ اشغالچی ریجیمگه قرشی جسارتلی کورهشی همده لبنان جنوبیدهگی البازوریه، دیرسریان و حوله شهرلریده صهیونیست دشمن نینگ هجوملری و قاتللیکلریگه جواباً عملگه آشیریلگنینی اعلان قیلدی.
عینِ پیتده الجزیره نینگ اسرائیل اردوسیگه تهیهنیب خبر بیریشیچه، بو هجوم نتیجهسیده ایکّی اشغالچی عسکر هم یرهلنگن.
توناون ایرتهلب حزبالله، اشغالچی ریجیم لبنان جنوبیدهگی قیشلاقلر، اینیقسه کفرکلا و دیر سریان قیشلاقلریگه اویوشتیرگن و بیر نیچه تینچ اهالی نینگ یرهلنیشیگه سبب بولگن هجوملریگه جواباً، کوچلری اشغال آستیدهگی بیت هلل شهرینی نشانگه آلگنینی معلوم قیلدی.
