قوراللی کوچلر باش باشلیغی سردار محمد داوود خان شفاخانه‌سی نینگ یوتوقلرینی یوقاری بهاله‌دی
کابل ۱۰ سنبله باختر
سمینارده افغانستان قوراللی کوچلری باش باشلیغی قاری محمد فصیح الدین فطرت اوشبو شفاخانه نینگ اولوسگه طبی خدمت کورسه‌تیش باره‌سیده‌گی یوتوقلرینی یوقاری بهاله‌دی.
ملی مدافعه وزیرلیگی خبریگه اساسلنیب؛ افغانستان قوراللی کوچلری باش باشلیغی قاری محمد فصیح الدین فطرت و ملی مدافعه وزیرلیگی باش تیکشیروو باشلیغی مفتی لطیف الله حکیمی شهید سردار محمد داوود خان کسلخانه‌سیده ساغلیقنی سقلشنی باشقه‌ریش بوییچه اوقوو سمیناریده قتنشدی.
ساغلیقنی سقلش قوماندانلیگی – شهید سردار محمد خان کسلخانه‌سیده آچیلگن اوشبو سمینارده؛ اوّلا، طبیات فنلری اکادمیسی و باشقه بولیملر متصدیلری تامانیدن باتفصیل معلومات بیریب، اوشبو شفاخانه شفاکارلری مرکّب و یاپیق اوپراسیون‌لرنی موفقیتلی بجریشگه موفق بولدیلر، حربی طبیات فاکولته‌سی طلبه‌لری اوچون اوقوو دستورلرینی یولگه قویدیلر و ستندرد شرایطلرنی تأمینله‌دیلر.
شونینگدیک، قوراللی کوچلر باش باشلیغی قاری محمد فصیح الدین فطرت اسلامی توزوم حکمرانلیگی و مملکتده باسقینچیلیککه برهم بیریش حقیده سوز یوریتر ایکن، برچه جنگلر وطن و خلق نینگ آرزو-نیتلری اوچون ایکنلیگینی تأکیدلب و حاضر اوروش توگه‌دی و اشغال اورته‌دن بوتونلی یوق قیلیندی ایندی هر بولیم‌گه خذمت زمانی کیلدی دیب حسابله‌دی.
افغانستان باش باشلیغی اوشبو شفاخانه نینگ مملکت اولوسی‌گه طبی خدمت کورسه‌تیش باره‌سیده‌گی یوتوقلرینی یوقاری بهاله‌دی و ایندیلیکده اوشبو شفاخانه‌ده مسوولیت سیزیله‌یاتگنینی ایتدی.
هیئت اعضالری و اوشبو شفاخانه متصدیلری بیلن بیرگه «هوا آکسجن» مرکزی، وزیر محمد اکبر خان نینگ صالونی آچیلیشی چاغیده مصنوعی العمر ارگانلر مرکزی نینگ اَیریم قِسملریگه هم تشریف بویوریشدی.
