قندههار نینگ تختهپل تومنیده ایکّیته ایکینچیلیک سوو انباری قوریلهدی

قندهار ۲۸ جدی باختر
قندهار نینگ تختهپل تومنیده ۸۰۰ مینگ افغانی مبلغگه ایکّیته ایکینچیلیک سوو انباری قوریلهدی.
قندهار ایکینچیلیک، ییرلرنی سوغاریش و چارواچیلیک باشقرمهسی مطبوعات کاتبی محمد حنیف حقمل نینگ باختر اخبارات آژانسیگه ایتیشیچه، تخته پل تومنی نینگ څادرگه و تنگی حدودلریدهگی اوشبو ایکینچیلیک سوو انبارلری قندهار ایکینچیلیک، ییرلرنی سوغاریش و چارواچیلیک باشقرمهسی نینگ رواجلنتیریش بودجه حسابیدن قوریلهدی.
اونینگ قۉشیمچه قیلیشیچه، هر بیری نینگ اوزونلیگی ۴۰ متر، اېنی ۳۰ متر و بلندلیگی ۱.۵ متر بۉلگن اوشبو انبارلری بیر آی ایچیده قوریلهدی. حقمل نینگ قۉشیمچه قیلیشیچه، اوشبو سوو انبارلری قوریب بیتکزیلیشی بیلن تخته پل تومنی نینگ څادرگه و تنگی حدودلریدهگی ایکینچیلیک سوو تنقیصلیگی معماسی قسماً حل بۉلیشی ممکن.