فلسطین و اسرائیل اشغال رېجیمی اۉرته‌سیده اۉت آچیشنی توخته‌تیش کېلیشووی نینگ عملگه آشیریلیشی اوچون آرتگه سناق

کابل ۲۹ جدی باختر

فلسطین و اسرائیل اشغال رېجیمی اۉرته‌سیده اېریشیلگن اۉت آچیشنی توخته‌تیش کېلیشووینی عملگه آشیریش اوچون آرتگه سنه‌ش باشلندی.

غزه‌ و باشقه‌ فلسطین حدودلریده اېرته‌گه، یکشنبه‌ کونی اېرته‌لب ساعت 8:30 ده صلح رسماً کوچگه کیریشی رېجه‌لشتیریلگن. اوشبو صلح نینگ بیرینچی باسقیچیده ۷۳۷ فلسطینلیک اسیر عوضیگه اۉتّیز اوچ اسرائیللیک محبوس آزاد قیلینیشی کېره‌ک.

فلسطین مأموریت رهبری محمود عباس توناون کېلیشووگه بیرینچی رسمی مناسبتیده فلسطین حکومتی غزه‌ده «تۉلیق مسئوليت»نی اۉز ذمّه‌سیگه آلیشگه تیار اېکنینی ایتدی.

فرانسه اخبارات آژانسی فلسطین مأموريتی رهبری نینگ بیاناتیگه ته‌یه‌نیب، «فلسطین دولتی غربی ساحل و قدوس‌ده‌گی باشقه‌ فلسطین حدودلری اوستیدن امنیت‌گه اېگه‌ بۉلگنیدېک، غزه‌نی هم باشقه‌ریش اوچون حقوقی و سیاسی وکالتگه اېگه‌» دېب خبر قیلدی.

بیاناتده، شونینگدېک، “فلسطین حکومتی غزه‌ده‌گی اۉز مسوولیتینی تۉلیق اۉز ذمّه‌سیگه آلیشی اوچون برچه‌ ضرور تیارگرلیکنی یکونله‌گنی و اونینگ مأموری و خوفسیزلیک گروهلری خلق نینگ عذاب-عقوبتلرینی اېنگیللشتیریش، کۉچیریلگنلرنی قَیتریش و قَیته قوریش اوچون اۉز وظیفه‌لرینی بجریشگه تیار اېکنلیگی تأکیدلندی.”

کېلیشوو نینگ بیرینچی باسقیچیده اسیرلر المشینوویدن تشقری، اسرائیللیک اشغال کوچلری غزه‌نینگ اهالی زیچ جایلشگن حدودلریدن چیقیب کېته‌دی و فلسطینلیک قاچقینلرگه اۉز «یشهش جایلری»گه قَیتیشگه رخصت بېریله‌دی.

غزه سکتوریگه هر کونی ۶۰۰ ته یاردم مو‌تری نینگ کیریب کېلیشی حقیده هم کېلیشووگه اېریشیلدی.

العربيه اخبارات آژانسی منبعلریگه ته‌یه‌نیب خبر بېریشیچه، غزه‌ده‌گی رفح اۉتیش جایی اۉت آچیشنی توخته‌تیش کېلیشووی عملگه آشیریلگنیدن ۷ کون اۉتیب آچیله‌دی و اروپا اتفاقی قوروقلیکده‌گی اۉتیش جایی باشقرووی اوستیدن تخنیکی نظارت اوچون جوابگر بۉله‌دی.

اوشبو کېلیشوو نینگ ایکّینچی باسقیچی اوزاق مدتلی تینچلیک، اسیرلر المشینووینی دوام اېتتیریش و اسرائیل قۉشینلرینی غزه سکتوریدن تۉلیق آلیب چیقیشنی اۉز ایچیگه آله‌دی.

بو نقطه‌ده اوروش بوتونلی توخته‌یدی، اسیر المشیش دوام اېته‌دی و اشغالچی رېجیم حربيلری غزه‌دن بوتونلی چیقیب کېته‌دی.

اوچینچی باسقیچ هم قیرق ایکّی کونلیک مدتگه بېلگیلنگن، بو باسقیچده ایکّی تامان اۉلیکلر نینگ جسدلرینی المشه‌دی، غزه اوچون ۳-۵ آیلیک تامیرله‌نیش دستوری باشلنه‌دی و برچه‌ غزه اۉتیش جایلری دایمی روشده آچیق بۉلیشی و آدملر و ماللری نینگ اېرکین حرکتلنیشی کفالتلنه‌دی.

عزه‌نی قَیته تیکلش دستوری مصر، قطر و بیرلشگن ملتلر تشکیلاتی نینگ مالی یاردمی بیلن عملگه آشیریله‌دی. رېجه‌ده برچه‌ اوی-جایلر، عامه منفعتلر، آستقورمه‌لری (زیربنایی) لایحه‌لری قیته‌دن قوریله‌دی و جبرلنگنلرگه خساره تۉله‌نه‌دی.

نمایش بیشتر

نوشته های مشابه

دکمه بازگشت به بالا