میمنه ۱۰ اسد باختر
فاریاب تعلیم باشقرمهسی متصدیلری اوشبو ولایت نینگ بیش تومنیده ۸ ته ینگی مکتب نینگ تمل تاشینی قوییشدی.
باختر آژانسیگه کوره؛ فاریاب تعلیم باشقرمهسی نینگ باشلیغی مولوی محمد طاهر جواد نینگ ایتیشیچه، متناسب رواجلنیش دستورینی عملگه آشیریش مقصدیده اوشبو مکتبلر نینگ ینگی بنالری فاریاب مرکزی نینگ پشتونکوت، المار، قیصار، چهلگزی و میمنه تومنلری نینگ چیکّه حدودلریده ۱۱۸ میلیون افغانی مبلغگه مبلغ عوضیگه قوریلهدی.
اونینگ قوشیمچه قیلیشیچه، اوشبو سکّیزته مکتب نینگ ینگی بنالری قوریلیشی بیلن ۳۰۰۰ دن آرتیق اوقووچی ماس شرایطده ضرور شرط-شرایطلرگه ایگه نمونوی تعلیم-تربیه آلهدی.
فاریاب تعلیم باشقرمهسی باشلیغی نینگ ایتیشیچه، مذکور مکتبلر بنالریده نمونوی اوقوو خانهلری، ایش خانهلری، برق تیزیمی، کامپیوتر بولیمی، ضرور جهازلر و باشقه ضرور جهازلر موجودلیگینی تأکیدلهدی.
شونینگدیک، ناملری قید ایتیلگن تومنلر نینگ بیر قطار اهالیسی اوشبو ولایت تعلیم باشقرمهسی متصدیلری نینگ محنتینی یوقاری بهالب، ایندیلیکده اولر نینگ فرزندلری آچیق هواده یاکه اجارهده تعلیم آلهیاتگنی، مکتبلرده ینگی ترمیملش ایشلری آلیب باریلهیاتگنینی ایتیشدی و اولر نینگ معمالری بو ساحهده حل قیلینیشی بیلن خورسندلیک بیلدیرگن.
