غورده ایکّیته توغان قوریلگن
فیروزکوه ۱۰ سنبله باختر
غور ولایتی نینگ دولتیار تومنیده‌گی «کشکر» و لعل و سرجنگل تومنی نینگ «جوقول سیاه سنگ» قیشلاقلریده ۷ میلیوندن آرتیق افغانی اهالیسی نینگ استعمالی حسابیگه ایکّیته سوو ایلنووچی توغان قوریلیشی یکونلندی.
باختر آژانسیگه کوره؛ غور دینگیز حدودی باشقرمه‌سی نینگ باشلیغی ملا رحمت‌الله امانی اوشبو ایکّی لایحه نینگ آچیلیش مراسمیده سوزگه چیقیب، اونینگ اهمیتی حقیده گپیردی و شونده‌ی دیدی: سوو ملی پایتخت و الهی امانتدیر، اوندن توغری فایده‌لنیش کیره‌ک و اونی حمایه قیلیشگه برچه‌میز مسوولمیز.
اونینگ قوشیمچه قیلیشیچه، اوشبو لایحه‌لرنی عملگه آشیریشدن کوزلنگن مقصد سوو ریسورسلرینی باشقه‌ریش، تاشقینگه قرشی کوره‌ش، ییر آستی سوولرینی تازه‌لش، موسمی سوو ییغیش و اوندن ایکینچیلیککه فایده‌لنیشدیر.
غور ایکینچیلیک، ییرلرنی سوغاریش و چارواچیلیک باشقرمه‌سی نینگ سوو یاردمی بولیمی خادیمی نینگ ایتیشیچه، سیغیمی ۲۵۰۰ مترمکعب سوو بولگن کشکر دولتیار توغانی و ۱۵۰۰ مترمکعب سیغیملی جوقول سیاه سنگ لعل و سرجنگل و توغانلری جمع‌ی ۷ میلیون و ۶۲ مینگ و ۱۴۲ افغانی انرژی و سوو وزیرلیگی تامانیدن قوریلگن.
بو ایکّی تومن نینگ بیر قطار اهالیسی بو توغانلر نینگ قوریلیشیدن خورسند ایکنلیکلرینی بیلدیریب، بو توغانلرنی سوونی نظارت قیلیش، اینیقسه، ییر آستی سوولرینی مستحکملشده ثمره‌لی، دیب حسابلب، بو توغانلر نینگ قوریلیشی ایکینچیلیک و تورموش طرزیگه ایجابی تأثیر کورسه‌تیشینی قوشیمچه قیلیشدی.
