عدلیه وزیرلیگی نینگ سرپرستی مملکتده قانون ایجادکارلیگی جریانینی جدللشتیریشگه اورغو بېردی
کابل ۲ دلو باختر
عدلیه وزیرلیگی نینگ سرپرستی امیرلیک نینگ ۴۱ ته اداره‌سی قانونچیلیک بۉلیملری منصبدار شخصلری و خادملری اوچون «قانونچیلیک حجتلری لایحه‌لرینی ایشلب چیقیش، تصدیقلش و اولر نینگ توزیلیشی» موضوع‌سیده‌گی بیر کونلیک سمینارده مملکتیمیزده قانون ایجادکارلیگی جریانینی جدللشتیریش ضرورلیگینی تأکیدله‌دی.
عدلیه وزیرلیگی مطبوعات خدمتی اوشبو خبرنی اعلان قیلر اېکن، عدلیه وزیرلیگی نینگ سرپرستی شیخ الحدیث مولوی عبدالحکیم شرعی اوشبو دستور نینگ مقصدی قانونچیلیک یۉلیده‌گی تۉسیق و معمالرنی برطرف اېتیش اېکنلیگینی تأکیدلب و امیرلیک اداره‌لری عالی حضرتلری امیرالمومنین حفظه‌الله نینگ ۹-سانلی فرمانلریگه موافق قانون لایحه‌لرینی ایشلب چیقیشلری و اولرنی ایشلب چیقیش و کېینگی ترتیبلر اوچون عدلیه وزیرلیگیگه یوباریشلری کېره‌ک دیدی.
اونینگ سۉزلریگه کۉره، بو باره‌ده‌گی معمالرنی کۉریب چیقیش و حل اېتیش ضرور، چونکه ترتیبنی سقلش و اداری ایشلرنی رواجلنتیریش قانونلر و باشقه قانون حجتلرینی جدّی طلب قیلیب و عدلیه وزیرلیگی نینگ سرپرستی اشتراکچیلردن و امیرلیک اداره‌لری وکیللریدن قانون لایحه‌لرینی ایشلب چیقیشگه علیحده اعتبار قره‌تیشلرینی سۉردی و لایحه‌لر امیرالمؤمنین حفظه‌الله حضرتلری نینگ کۉرسه‌تمه‌لریگه موافق بۉلیشی کېره‌ک، تاکه اولر ترتیب-قاعده‌لرنی بجرگندن سۉنگ او تامانیدن امضالنه‌دی.
اونینگ قۉشیمچه قیلیشیچه، اهالیگه ینه‌ده صفتلی خدمت کۉرسه‌تیش و ایشلرنی ایلگری سوریش اوچون قانونچیلیکنی تېزلشتیریش و کوچه‌یتیریش ضرور. و بیز نینگ وظیفه‌میز دنیانی قناعتلنتیریش اېمس، بلکه اسلام قانونینی قاعده قیلیب اۉرنه‌تیشدیر، دېب قۉشیمچه قیلدی.
دستورده عدلیه وزیرلیگی نینگ قانونچیلیک مسأله‌لری و علمی-حقوقی تدقیقاتلر باشقرمه‌سی باش باشلیغی مفتی فضل هادی صاحب زاده همده حقوقی تدقیقاتلر، توشونتیریشلر و معرفت اداره‌سی باشلیغی محمد ادریس برمک هم اشتراک اېتدی و سۉزگه چیقدی.
قانونچیلیک مسأله‌لری بۉییچه باش باشلیغی اسلام امیرلیگی حکمرانلیگی دوریده مملکتده قانون ایجادکارلیگی جریانی ایجابی و کېنگ کۉلملی اۉزگریشلرگه گواه بۉلگنلیگینی، حاضرده برچه قانونلر عالِملر و متخصصلر تامانیدن ایشلب چیقیلیب، فیقهی منبعلردن آلینگنلیگینی تأکیدله‌دی.
مذکور سمینارده امیرلیک وزیرلیکلری و اداره‌لری نینگ قانونچیلیک بۉلیملری نینگ ۲۰۰ دن آرتیق منصبدار شخصلری و خادملریگه قانون حجتلری توشونچه‌سی و قۉللنیلیشی، اولرنی ایشلب چیقیش باسقیچلری، یوقاریده قید اېتیلگن حجتلرنی بېریش منبعلری و اصوللری اۉرگه‌تیلگن. و سمینار اشتراکچیلری سمینارنی یوقاری بهالب، کېلگوسیده هم شونده‌ی دستورلرنی اۉتکزیشگه چقیریشدی.
