عدلیه وزیرلیگی نینگ سرپرستی تورکيه نینگ افغانستاندهگی اېلچیسی بیلن اوچرهشدی

کابل ۳۰ جدی باختر
اسلام امیرلیگی عدلیه وزیرلیگی نینگ سرپرستی شیخ الحدیث مولوی عبدالحکیم شرعی تورکيه نینگ افغانستاندهگی اېلچیسی جنگ اۉنال و اونگه همراه بۉلگن هیئت بیلن اوچرهشیب، ایکّی دولت اۉرتهسیدهگی همکارلیکنی مستحکملش ضرورلیگینی تأکیدلهدی.
عدلیه وزیرلیگی مقریده بۉلیب اۉتگن اوچرهشووده تورکيه دین ایشلری باشقرمهسی (ديانت) اۉرینباسری و اۉشه دولت نینگ حج و اوقاف ادارهسی نینگ تشقی علاقهلر بۉلیمی باشلیغی هم اشتراک اېتدی.
بو اوچرهشووده اسلام امیرلیگی عدلیه وزیرلیگی نینگ سرپرستی تورکيه نینگ افغانستان بیلن تورلی ساحهلردهگی همکارلیگینی یوقاری بهالهدی و اسلام امیرلیگی و تورکيه اۉرتهسیدهگی همکارلیکنی آشیریش ضرورلیگینی تأکیدلهدی.
شونینگدېک، اسلام امیرلیگی برچه دولتلر، خصوصاً، اسلامی دولتلر بیلن تشقی علاقهلرینی تمایل و مېزانلرگه موافق کېنگهیتیریش طرفداری اېکنینی ایتدی.
عینِ پیتده تورکيه نینگ کابلدهگی اېلچیسی جنگ اۉنال تورکيه و افغانستان نینگ قرداش اۉلکه اېکنلیگینی و اونینگ دولتی اسلام امیرلیگی بیلن تورلی ساحهلرده همکارلیک قیلیش طرفداری اېکنینی تأکیدلهدی.
اونینگ قۉشیمچه قیلیشیچه، تورکيه جمهور رئیسی افغانستاندهگی اۉزگریشلرنی دایمی روشده کوزهتیب بارهدی و اسلام امیرلیگی بیلن علاقهلرنی ینهده مستحکملشگه کۉرسهتمه بېرگن.